വാന്കൂവര് (കാനഡ): ഹോട്ട് വീഡിയോകളും ചിത്രങ്ങളും സമൂഹ മാധ്യമങ്ങളിലൂടെ പങ്കുവച്ച് ആരാധകരെ സൃഷ്ടിച്ച അധ്യാപികയ്ക്കെതിരെ സ്കൂള് അധികൃതര്. നിയമനടപടിയുമായി അധ്യാപിക രംഗത്തെത്തിയതോടെ സംഭവം വാര്ത്തകളില് ഇടം നേടി. കാനഡയിലാണ് സംഭവം. വാന്കൂവര് സ്കൂള് ബോര്ഡിനെതിരെയാണ് കനേഡിയന് ടീച്ചിംഗ് അസിസ്റ്റന്റ് ക്രിസ്റ്റിന് മക്ഡൊണാള്ഡിന്റെ നിയമപോരാട്ടം. സോഷ്യല് മീഡിയ പ്ലാറ്റ്ഫോമുകളില് അവ ജെയിംസ് എന്നറിയപ്പെടുന്ന അധ്യാപികയുടെ ഒണ്ലി ഫാന്സ് സബ്സ്ക്രൈബ് ചെയ്ത ശേഷമാണ് സ്കൂള് അധികൃതര് നടപടിക്കൊരുങ്ങിയത്.
അധ്യാപികയുടെ സോഷ്യല് മീഡിയ പ്രവര്ത്തനത്തെക്കുറിച്ച് പരാതി ലഭിച്ചിട്ടുണ്ടെന്ന് ആരോപിച്ച് മക്ഡൊണാള്ഡിന് കഴിഞ്ഞ മാസം സ്കൂള് ബോര്ഡിന് നോട്ടീസ് നല്കിയിരുന്നു. അധ്യാപിക അവാ ജെയിംസ് എന്ന പേരില് ആരംഭിച്ച അക്കൗണ്ടുകള് പൂട്ടണമെന്നും ഇല്ലെങ്കില് പിരിച്ചുവിടുമെന്നുമാണ് നോട്ടീസില് പറയുന്നത്. എന്നാല്, ഇതുവരെ അധ്യാപിക അക്കൗണ്ടുകള് പൂട്ടിയിട്ടില്ല. പകരം നിയമപരമായി നേരിടാനാണ് അധ്യാപികയുടെ തീരുമാനം. താന് എന്താണ് ചെയ്യുന്നതെന്നറിയാനാണ് അവര് സബ്സ്ക്രിപ്ഷന് ചെയ്തത്. അവര് എന്റെ കാര്യങ്ങളില് തലയിടുന്നതായി തോന്നുന്നുവെന്നും അധ്യാപിക പ്രതികരിച്ചു
ഹിയറിങ്ങില് അധ്യാപികയുടെ സോഷ്യല് മീഡിയ ഇടപെടലുകളെ സംബന്ധിച്ച് സ്കൂള് അധികൃതര് തെളിവുകള് ഹാജരാക്കി. സോഷ്യല് മീഡിയയില് നിന്നുള്ള ചിത്രങ്ങള്, സ്കൂള് ഡിസ്ട്രിക്റ്റുമായുള്ള പോരാട്ടത്തെക്കുറിച്ചുള്ള കുറിപ്പുകള്, ഒണ്ലി ഫാന്സ് എന്നിവയാണ് തെളിവായി ഹാജരാക്കിയത്. എന്നാല് ഒരു ഫാന്സ് സബ്സ്ക്രൈബര് അക്കൗണ്ട് മാത്രമാണ് തനിക്കുള്ളതെന്നും അവര് മാധ്യമങ്ങളോട് പറഞ്ഞു. തന്റെ എക്സ്ക്ലൂസീവ് കണ്ടന്റുകള്ക്ക് സബ്സ്ക്രിപ്ഷന് എടുക്കുന്നത് സംബന്ധിച്ച് അന്വേഷണ സമിതിയും പരാമര്ശം ഉന്നയിച്ചെന്നും 35കാരിയായ അധ്യാപിക വെളിപ്പെടുത്തി. ഇതുവരെയും അധ്യാപികയെ സ്കൂള് അധികൃതര് പിരിച്ചുവിട്ടിട്ടില്ല എന്നുള്ളതും ശ്രദ്ധേയമാണ്.
