ബാലസോര് : ഒഡീഷയിലെ ബാലസോറിലുണ്ടായ ട്രെയിന് അപകടത്തിന് കാരണക്കാരായവര്ക്ക് ശിക്ഷ ഉറപ്പാക്കുമെന്ന് പ്രധാനമന്ത്രി നരേന്ദ്ര മോദി. ദുരന്തസ്ഥലവും ആശുപത്രിയില് ചികിത്സയില് കഴിയുന്നവരെയും സന്ദര്ശിച്ചശേഷം പ്രതികരിക്കുകയായിരുന്നു അദ്ദേഹം. പരുക്കേറ്റവര്ക്ക് മികച്ച ചികിത്സ ഉറപ്പാക്കുമെന്ന് പ്രധാനമന്ത്രി അറിയിച്ചു. രക്ഷാപ്രവര്ത്തകരെ അഭിനന്ദിച്ചു.
ബാലസോറിലുണ്ടായ അപകടത്തില് നിന്ന് പാഠം ഉള്ക്കൊളളും. പൗരന്മാരുടെ സുരക്ഷ ഉറപ്പാക്കാന് നടപടി സ്വകരീക്കും. അപകടത്തില്പ്പെട്ടവരുടെ കുടുംബങ്ങളുടെ ദുഃഖത്തില് പങ്കുചേരുന്നു. വേദനാജനകമായ സംഭവമാണിത്. പരുക്കേറ്റവരെ സന്ദര്ശിച്ചു. പരുക്കേറ്റവരുടെ ചികിത്സയില് ഒരു വീഴ്ചയും വരുത്തില്ല. എല്ലാ കോണുകളില് നിന്നും അന്വേഷണത്തിന് നിര്ദ്ദേശം നല്കിയിട്ടുണ്ട്. കുറ്റക്കാരെന്ന് കണ്ടെത്തുന്നവര്ക്ക് കര്ശന ശിക്ഷ നല്കുമെന്ന് പ്രധാനമന്ത്രി പറഞ്ഞു.
ശനിയാഴച വൈകിട്ട് 3.45യോടെ വ്യോമസേനയുടെ പ്രത്യേക ഹെലികോപ്റ്ററില് അപകസ്ഥലത്തെിയ പ്രധാനമന്ത്രി സ്ഥിതിഗതികള് വിലയിരുത്തിയിരുന്നു. റെയില്വേ മന്ത്രി അശ്വിനി വൈഷ്ണവ്, കേന്ദ്രമന്ത്രി ധര്മേന്ദ്ര പ്രധാന് എന്നിവര്ക്കൊപ്പാണ് പ്രധാനമന്ത്രി ദുരന്ത സ്ഥലം സന്ദര്ശിച്ചത്. രക്ഷാപ്രവര്ത്തകരുമായും അദ്ദേഹം ആശയവിനിമയം നടത്തി.
രാജ്യത്തെ തീരാദുഖത്തിലേക്ക് തള്ളിയിട്ട ഒഡീഷ ട്രെയിൻ അപകടത്തിൽ ഏറ്റവും ഒടുവിലത്തെ കണക്ക് പ്രകാരം മരണം 288 ആയി. ആയിരത്തിലേറെ പേർക്ക് പരിക്കുണ്ടെന്നും ഇവരിൽ 56 പേരുടെ നില ഗുരുതരമാണെന്നും റെയിൽവെ അറിയിക്കുന്നു.
https://twitter.com/ANI/status/1664965627260571649?ref_src=twsrc%5Etfw%7Ctwcamp%5Etweetembed%7Ctwterm%5E1664965627260571649%7Ctwgr%5Eb134d9092ab22dcf0d6627e61d791911cd7ee368%7Ctwcon%5Es1_c10&ref_url=https%3A%2F%2Fwww.manoramaonline.com%2Fnews%2Flatest-news%2F2023%2F06%2F03%2Fodisha-train-accident-those-responsible-will-be-severely-punished-says-pm-modi.html
