വില്ലന് വേഷങ്ങളിലും നായകവേഷങ്ങളിലും ബോളിവുഡില് അന്നുമിന്നും തിളങ്ങി നില്ക്കുന്ന ജാക്കി ഷ്രോഫിന്റെ മകന് എന്നതിലുപരി മികച്ച ഒരു അഭിനേതാവും നര്ത്തകനും കൂടിയാണ് ടൈഗര് ഷ്രോഫ്. ബോളിവുഡിലെ യുവതാരനിരയില് ശ്രദ്ധേയനാണ് ടൈഗറിന്റെ ത്രസിപ്പിക്കുന്ന നൃത്തച്ചുവടുകള് എപ്പോഴും ആരാധകരെ കൈയിലെടുക്കാറുണ്ട്. താരത്തിന്റെ വിനയത്തോടെയുള്ള പെരുമാറ്റവും എപ്പോഴും വാര്ത്തകളില് നിറയാറുണ്ട്. ബോളിവുഡില് ഹൃത്വിക് റോഷനു ശേഷമുള്ള ഏറ്റവും മികച്ച ഡാന്സറായി പ്രേക്ഷകര് അംഗീകരിച്ച താരം കൂടിയാണ് ടൈഗര്. സമാനതകളില്ലാത്ത പ്രകടനം കാഴ്ചവയ്ക്കുന്ന താരത്തിന്റെ ഒരു മികച്ച ഡാന്സ് വീഡിയോയാണ് ഇപ്പോള് സോഷ്യല് മീഡിയയില് ശ്രദ്ധിക്കപ്പെടുന്നത്. തന്റെ ഡാൻസ് മാസ്റ്റര് പരേഷ് പ്രഭാകര് ശിരോദ്കറിനൊപ്പം താരം ചുവടുവയ്ക്കുന്ന വീഡിയോ ആരാധകര് ഏറ്റെടുത്തിരിക്കുകയാണ്. ‘ഗിവ് ഇറ്റ് റ്റു മീ ബേബി’ എന്ന പാട്ടിന്റെ താളത്തിനൊപ്പം ചടുലമായ ചുവടുകളിലൂടെ കണികളുടെ ഹൃദയം കവരുകയാണ് ടൈഗര്. ‘കാലങ്ങൾക്ക് ശേഷം എന്റെ ഗുരുവിനൊപ്പം...’ എന്ന ക്യാപ്ഷനും നല്കി താരം തന്നെയാണ് വീഡിയോ സോഷ്യല് മീഡിയയിലൂടെ പങ്കുവച്ചിരിക്കുന്നത്.
