പോലീസിന്റെ എഫ്ഐആറില് സിപിഎം സംസ്ഥാന സെക്രട്ടറി എം.വി ഗോവിന്ദന് പറഞ്ഞത് ഇല്ലെന്ന് മോന്സന്റെ അഭിഭാഷകന്. ഇക്കാര്യം അതിജീവിത നല്കിയ രഹസ്യമൊഴിയിലില്ലെന്നും സുധാകരന്റെ പേര് പ്രോസിക്യൂഷന് സാക്ഷികള് ആരും പറഞ്ഞിട്ടില്ലെന്നും അഭിഭാഷകന് പ്രതികരിച്ചു.
ക്രൈംബ്രാഞ്ച് കെ.പി.സി.സി അധ്യക്ഷന് കെ.സുധാകരനെ ചോദ്യം ചെയ്യാന് വിളിപ്പിച്ചത് പോക്സോ കേസിലെന്ന എം.വി.ഗോവിന്ദന്റെ ആരോപണത്തോടു പ്രതികരിക്കുകയായിരുന്നു അഭിഭാഷകന്. എം.വി.ഗോവിന്ദന് പാര്ട്ടി മുഖപത്രത്തിലെ വാര്ത്ത ഉദ്ധരിച്ചാണ് മോന്സണ് മാവുങ്കല് പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കുന്ന സമയത്ത് കെ.സുധാകരന് അവിടെ ഉണ്ടായിരുന്നു എന്ന ആരോപണം ഉന്നയിച്ചത്. എന്നാല് ക്രൈംബ്രാഞ്ച് അന്വേഷണ സംഘം കെ.സുധാകരനെ ചോദ്യം ചെയ്യുന്നത് പുരാവസ്തു തട്ടിപ്പു കേസിലാണെന്ന് വ്യക്തമാക്കി
അതേസമയം എം.വി.ഗോവിന്ദന്റെ ആരോപണത്തിന് മറുപടിയുമായി കെ.സുധാകരന് രംഗത്തെത്തി. സിപിഎം സംസ്ഥാന സെക്രട്ടറി പോക്സോ കേസിലെ രഹസ്യമൊഴി എങ്ങനെയറിഞ്ഞുവെന്ന് സുധാകരന് ചോദിച്ചു. കേസില് തന്നെ പ്രതിയാക്കുന്നതിന് പുറകില് സി.പി.എമ്മാണെന്ന് തെളിഞ്ഞു. സിപിഎം ഏത് നെറികെട്ട കാര്യത്തിനും തയാറാകുമെന്ന് എം.വി.ഗോവിന്ദന് തെളിയിച്ചെന്നും ഗോവിന്ദനെതിരെ നിയമനടപടി സ്വീകരിക്കുമെന്നും കെ.പി.സി.സി അധ്യക്ഷന് വ്യക്തമാക്കി.
