ഹിന്ദി ടെലിവിഷന് സീരിയലുകളിലൂടെ പ്രേക്ഷകര്ക്ക് ഏറെ പ്രിയങ്കരരായ താരങ്ങളായ നടി ദീപിക കക്കറിനും ഷൊഹൈബ് ഇബ്രാഹിമിനും വൻ ആരാധക വൃന്ദങ്ങളുണ്ട്. ഓണ്സ്ക്രീനിലെ ഹിറ്റ് ജോഡിയായ ഇവര് ജീവിതത്തിലും ഒന്നിച്ചപ്പോള് ആരാധകരത് ആഘോഷമാക്കി. 2018 ല് ഷൊഹൈബിനെ വിവാഹം കഴിച്ച ദീപിക വിവാഹശേഷം ഇസ്ലാം മതം സ്വീകരിച്ച് രേഖകളില് ഫൈസ എന്ന് പേര് മാറ്റിയിരുന്നു. സോഷ്യല് മീഡിയയില് സജീവമായ താരങ്ങള് അടുത്തിടെയാണ് തങ്ങളുടെ ജീവിതത്തിലെ സന്തോഷ വാര്ത്ത ആരാധകരെ അറിയിച്ചത്. ദീപിക ഗര്ഭിണിയാണെന്ന വിവരമായിരുന്നു അത്. അതിനു ശേഷം യൂട്യൂബ് ചാനലിലൂടെ ഗര്ഭകാലത്തെ വിശേഷങ്ങളെല്ലാം ഇപ്പോഴിതാ ഇവര്ക്ക് കുഞ്ഞുണ്ടായ സന്തോഷം പങ്കുവച്ചിരിക്കുകയാണ് ഷൊഹൈബ്. ‘ദൈവത്തിന്റെ കൃപയാല് ഞങ്ങള്ക്ക് ഒരു ആണ്കുഞ്ഞ് പിറന്നിരിക്കുകയാണ്. മാസം തികയുന്നതിന് മുമ്പാണ് കുഞ്ഞ് ജനിച്ചിരിക്കുന്നത്. എന്നാല് പേടിക്കാനൊന്നുമില്ല. ഞങ്ങളെ പ്രാര്ത്ഥനയില് ഓര്ക്കുക...’’ എന്നാണ് ഷൊഹൈബ് ഇന്സ്റ്റഗ്രാം സ്റ്റോറിയിലൂടെ പങ്കിട്ടത്.
ദീപികയുടെയും ഷൊഹൈബിന്റെയും കുഞ്ഞിനെ കാണാനുള്ള കാത്തിരിപ്പിലാണ് ആരാധകര്. കഴിഞ്ഞ ദിവസം പോലും തന്റെ സ്കാനിംഗ് വിവരങ്ങള് ദീപിക യൂട്യൂബ് ചാനലിലൂടെ പങ്കുവെച്ചിരുന്നു. ഗര്ഭപാത്രത്തില് ഫ്ലൂയിഡ് കുറവുണ്ട്. അതിനാല് ശ്രദ്ധിക്കണമെന്ന് ഡോക്ടര് നിര്ദ്ദേശിച്ചെന്നാണ് അന്ന് താരം പറഞ്ഞത്.
മുമ്പൊരിക്കല് ദീപിക ഗര്ഭിണിയായിരുന്നെങ്കിലും ഇത് അലസിപ്പോവുകയായിരുന്നു. അതിനാല് ഇത്തവണ വലിയ ശ്രദ്ധ താരം ആരോഗ്യത്തിന് നല്കി. അന്നത്തെ വിഷമഘട്ടത്തെക്കുറിച്ച് ദീപിക കക്കര് സംസാരിച്ചിട്ടുണ്ട് മാനസികമായി തകര്ന്ന് പോയിരുന്നെന്ന് അന്ന് ദീപിക തുറന്ന് പറഞ്ഞു. ഭര്ത്താവാണ് തനിക്ക് ധൈര്യം തന്നത്. ഒരിക്കല് പോലും അദ്ദേഹമോ വീട്ടുകാരോ തന്റെ മുന്നില് വിഷമിച്ച് നിന്നില്ല. കുറച്ച് ദിവസങ്ങള് കഴിഞ്ഞാണ് ആ ദുഖത്തില് നിന്നും പുറത്ത് വരാൻ കഴിഞ്ഞതെന്നും ദീപിക കക്കര് പറഞ്ഞു. ഗര്ഭം അലസിയപ്പോള് ദീപിക നേരിട്ട ബുദ്ധിമുട്ടുകളെക്കുറിച്ച് ഭര്ത്താവ് ഷുഹൈബും അന്ന് സംസാരിച്ചിരുന്നു.
കുഞ്ഞ് പിറന്ന ശേഷം അഭിനയ രംഗത്തേക്കില്ലെന്ന് ദീപിക നേരത്തെ വ്യക്തമാക്കിയിട്ടുണ്ട്. വര്ഷങ്ങളായി ജോലി ചെയ്യുകയാണ്. ഇനി വീട്ടമ്മയായി കഴിയാനാണ് ആഗ്രഹിക്കുന്നതെന്നും അന്ന് ദീപിക തുറന്ന് പറഞ്ഞു. ദീപികയുടെ രണ്ടാം വിവാഹമായിരുന്നു ഷൊഹൈബുമായി. 2015 ലാണ് നടി ആദ്യ വിവാഹബന്ധം അവസാനിപ്പിച്ചത്.
