തെന്നിന്ത്യ മുഴുവന് ആരാധകരുള്ള താരമാണ് രാംചരണ്. തെലുങ്ക് സിനിമാപ്രേമികള്ക്കിടയില് ആഘോഷമാകുന്ന ഒരു വാര്ത്തയാണ് കഴിഞ്ഞ ദിവസം താരം പങ്കിട്ടിരിക്കുന്നത്. 11 വര്ഷത്തെ കാത്തിരപ്പിനൊടുവില് നടന് രാം ചരണിനിനും ഭാര്യ ഉപാസനയ്ക്കും കുഞ്ഞ് പിറന്ന വാര്ത്തയായിരുന്നു അത്. കുഞ്ഞ് താരപുത്രിയുടെ വരവ് ആഘോഷമാക്കിയിരിക്കുകയാണ് താരങ്ങളും ആരാധക ലോകവും. ദിവസങ്ങള്ക്ക് മുമ്പ് സൂപ്പര്താരത്തിന് മാലാഖ കുഞ്ഞ് പിറന്നപ്പോള് നിരവധി താരങ്ങളും ആരാധകരുമെല്ലാം ആശംസകളും സന്തോഷവും പങ്കുവച്ചിരുന്നു. ഹൈദരാബാദിലെ അപ്പോളോ ആശുപത്രിയിലാണ് ഉപാസന പെണ്കുഞ്ഞിന് ജന്മം നല്കിയത്. ഇപ്പോഴിതാ കുഞ്ഞുമായി ആശുപത്രി വിട്ടിറങ്ങുന്ന താരകുടുംബത്തിന്റെ ചിത്രങ്ങളാണ് വൈറലാകുന്നത്. ഡിസ്ചാര്ജ് ആയി പോകുന്ന രാം ചരണും ഉപാസനയും കുഞ്ഞുമാണ് ചിത്രങ്ങളിലുള്ളത്. കുഞ്ഞിനെ നെഞ്ചോട് ചേര്ത്ത് നില്ക്കുന്ന രാം ചരണാണ് ചിത്രങ്ങളിലുള്ളത്. ഈ ചിത്രങ്ങള് സോഷ്യല് മീഡിയയില് വൈറലായിക്കഴിഞ്ഞു. 2012 ജൂണ് 14 നായിരുന്നു രാം ചരണും ഉപാസനയും വിവാഹിതരായത്. സാമ്പത്തികമായി സുരക്ഷിതരായ ശേഷമേ കുഞ്ഞിനെ കുറിച്ച് ചിന്തിക്കുന്നുള്ളൂ എന്നാണ് താരങ്ങള് പറഞ്ഞിരുന്നത്. വിവാഹത്തിന് മുന്പ് തന്നെ തന്റെ അണ്ഡം ശീതീകരിക്കാനും താരങ്ങള് തീരുമാനിച്ചിരുന്നു. വര്ഷങ്ങളുടെ കാത്തിരിപ്പിനൊടുവില് എത്തിയ രാജകുമാരിയുടെ വരവ് ആഘോഷമാക്കിയിരിക്കുകയാണ് ചിരഞ്ജീവി കുടുംബം. കുടുംബത്തിന്റെ ഐശ്വര്യ ദേവതയാണ് കുഞ്ഞ് രാജകുമാരി എന്ന് ചിരഞ്ജീവിയും പറഞ്ഞിരുന്നു.
