കെയ്റോ: അമേരിക്കന് സന്ദര്ശനത്തിന് പിന്നാലെ ഈജിപ്ഷ്യന് സന്ദര്ശനത്തിന് എത്തിയ പ്രധാനമന്ത്രി നരേന്ദ്രമോദി ഈജിപ്തിലെ പുരാതന മോസ്ക്ക് സന്ദര്ശിക്കും. ഈജിപ്തിലെ അല് ഹക്കീം ബി അമര് അള്ളാ മോസ്ക്ക് മോദി സന്ദര്ശിക്കുമെന്നാണ് കരുതുന്നത്. പഴമയുടെ കാര്യത്തില് ഈജിപ്തില് തന്നെ നാലാം സ്ഥാനത്തും വലിപ്പത്തിന്റെ കാര്യത്തില് ഇബന് തുലന് പിന്നില് രണ്ടാമത്തേതുമാണ് അല്ഹക്കീം മോസ്ക്ക്.
എ.ഡി. 990 ല് ഫാത്തിമിഡ് രാജവംശത്തിന്റെ കാലത്ത് നിര്മ്മിക്കപ്പെട്ടതെന്ന് കരുതുന്ന മോസ്ക്ക് ആറാം ഫാത്തിമിഡ് കലീഫ അല് ഹക്കീം ബി അമര് അള്ളായുടെ നിര്ദേശപ്രകാരം പണികഴിപ്പിച്ചതെന്നാണ് കരുതുന്നത്. നൂറ്റാണ്ടുകളായി പഴമയെ വിളിച്ചോതി ഉയര്ന്നു നില്ക്കുകയാണ് മോസ്ക്ക്. ഈജിപ്ഷ്യന് വിനോദസഞ്ചാര പുരാവസ്തു മന്ത്രാലയത്തിന്റെ സഹായത്തോടെ ദാവൂദി ബോഹ്റ സമൂഹമാണ് മോസ്ക്ക് സംരക്ഷിച്ചുവരുന്നത്.
ഇന്ത്യയില് വലിയൊരു ജനവിഭാഗമായ ദാവൂദി ബോഹ്റിയുടെ പ്രധാന മതകേന്ദ്രം കൂടിയാണ് ഈ മോസ്ക്ക്. പ്രധാനമന്ത്രിയുടെ സംസ്ഥാനമായ ഗുജറാത്തില് ദാവൂദി ബോഹ്റ സമൂഹത്തില് പെടുന്നവര് ധാരാളമായിട്ടുണ്ട്. പ്രധാനമന്ത്രി നരേന്ദ്രമോദിയ്ക്ക് ഈ സമൂഹവുമായി നല്ല ബന്ധവുമുണ്ട്. 2011 ല് മുഖ്യമന്ത്രിയായിരിക്കെ ഇവരുടെ മതനേതാവായ സയേന്താ ബുര്ഹാനുദ്ദീന്റെ 100 ാം ജന്മദിനാഘോഷത്തില് വിശിഷ്ടാതിഥിയായി ക്ഷണിക്കപ്പെട്ടിരുന്നു.
ബൂര്ഹാനുദ്ദീന്റെ മരണശേഷം 2014 ല് അദ്ദേഹത്തിന്റെ പിന്ഗാമിയായി എത്തിയ സയ്യദ്നാ മുഫാദല് സെയ്ഫുദ്ദീനുമായും മോദി നല്ല ബന്ധം പുലര്ത്തിയിരുന്നു. സാമൂഹിക നവോത്ഥാനത്തിന് വേണ്ടി ഈ സമൂഹം നടത്തിയിരുന്ന പ്രയത്നങ്ങളെ മോദി പ്രകീര്ത്തിച്ചിരുന്നു. സ്വാതന്ത്ര്യ സമരകാലത്ത് മഹാത്മാഗാന്ധി നടത്തിയ ദണ്ഡിയാത്രയ്ക്ക് പിന്തുണ നല്കിയത് ഈ സമൂഹമായിരുന്നു.
