പാലക്കാട് : മഹാരാജാസ് കോളേജിലെ വ്യാജ രേഖാ കേസിൽ കെ വിദ്യയ്ക്ക് ഉപാധികളോടെ ജാമ്യം. അഗളി പോലീസ് രജിസ്റ്റർ ചെയ്ക കേസിൽ പാസ്പോർട്ട് ഹാജരാക്കണം, 50,000 രൂപ കെട്ടിവെക്കണമെന്നതടക്കമുള്ള ഉപാധികളോടെയാണ് മണ്ണാർക്കാട് കോടതി ജാമ്യം അനുവദിച്ചത്. വിദ്യയെ നീലേശ്വരം പോലീസ് കൊണ്ടു പോകും
അതിനിടെ കരിന്തളം കോളജില് വ്യാജരേഖ സമര്പ്പിച്ച് ജോലി നേടിയ സംഭവത്തില് വിദ്യയെ അറസ്റ്റ് ചെയ്യണമെന്ന് നീലേശ്വരം പോലീസ് ആവശ്യപ്പെട്ടിട്ടുണ്ട്. ഈ ഹര് ജി പരിഗണിച്ചാല് വിദ്യയെ നീലേശ്വരം പോലീസിന് കസ്റ്റഡിയില് നല്കാനും സാധ്യതയുണ്ട്. വ്യാജരേഖയുടെ അസ്സല് കണ്ടെത്താന് പോലീസിന് ഇതുവരെ കഴിഞ്ഞിട്ടില്ല.
അതേസമയം വിദ്യയുടെ ഫോണില് വ്യാജരേഖ ഉണ്ടാകുമെന്നും ഇത് ഡിലീറ്റ് ചെയ്തതാണെന്നുമുള്ള സംശയമാണ് പോലീസിനുള്ളത്. ഇത് കണ്ടെത്താനായി സൈബര് വിദഗ്ധരുടെ സഹായം തേടിയിട്ടുണ്ട്.
ഫോണില്നിന്ന് ഡിലീറ്റ് ചെയ്ത ഇമെയിലുകളും ഫോട്ടോകളും തിരികെ ലഭിക്കാനുള്ള ശ്രമം ആരംഭിച്ചു. ഇന്നലെ ദേഹാസ്വാസ്ഥ്യം അനുഭവപ്പെട്ട വിദ്യയെ ആശുപത്രിയില് പ്രവേശിപ്പിച്ചിരുന്നു.
