സിനിമയിലും ടെലിവിഷന് പരിപാടികളിലുമൊക്കെയായി സജീവമാണ് മിഥുന് രമേഷ്. മിഥുന്റെ ഭാര്യ ലക്ഷ്മിയും മകള് തന്വിയുമെല്ലാം പ്രേക്ഷകര്ക്ക് പരിചിതരാണ്. രസകരമായ വീഡിയോകളുമായാണ് ലക്ഷ്മി എത്താറുള്ളത്. കണ്ടന്റിനെക്കുറിച്ച് പറയുമ്പോള് ഇത് ഏല്ക്കുമോ, ചളിയല്ലേ എന്നൊക്കെ ഇടയ്ക്ക് ചോദിക്കാറുണ്ട്. അതായിരിക്കും കത്തിക്കയറുന്നത്. മകളെ ഒരു കാര്യവും നിര്ബന്ധിച്ച് ചെയ്യിക്കുന്ന പേരന്സല്ല ഞങ്ങളെന്നും മിഥുന് പറയുന്നു. ഒരഭിമുഖത്തിലായിരുന്നു അദ്ദേഹം മനസുതുറന്നത്.
എത്ര തിരക്കാണെങ്കിലും ഫാമിലിക്ക് സമയം കൊടുക്കണം. അത് വേണം. തിരക്കിനിടയില് ഈസിയായി ഒഴിവാക്കാന് പറ്റുന്നതാണ് കുടുംബം. ഓടിനടക്കുന്നതിനിടയില് കാര്യങ്ങള്ക്ക് പ്രയോറിറ്റി കൊടുക്കുന്നത് പോലെ കുടുംബത്തിനും പ്രാധാന്യം കൊടുക്കണം. അത് മറന്നുപോയാല് പിന്നെ ഇത് കൊണ്ടുപോവാന് പ്രയാസമാണ്. ഇത് എന്റെ കാഴ്ചപ്പാടാണ്.
എത്ര ടെന്ഷനാണെങ്കിലും ഫാമിലിയില് പോയിരുന്നാല് എല്ലാം മറക്കും. ആ റിലീഫാണ് നിങ്ങള് കാണുന്ന വീഡിയോ. ലക്ഷ്മിയുടെ ക്രിയേറ്റിവിറ്റി ഡെയ്ലി കൂടിക്കൂടി വരികയാണ്. ചിലതൊക്കെ എന്റടുത്ത് വന്ന് പറയുമ്പോള് ചളി ആണെന്ന് പറയും. അത് ഹിറ്റാവുകയും ചെയ്യും. നിങ്ങളല്ലേ ഇത് ചളി ആണെന്ന് പറഞ്ഞതെന്ന് പറഞ്ഞ് വരും.
കൊവിഡിന് മുന്പ് വരെ ഞാന് അങ്ങനെ വീഡിയോകളില് വരാറില്ലായിരുന്നു. സ്വന്തം പേരില് അറിയപ്പെടണമെന്നാണ് പുള്ളിക്കാരി പറഞ്ഞത്. കൊവിഡ് കാലത്ത് ബോറടിച്ചിരിക്കുമ്പോള് ഞാനും വീഡിയോകളുടെ ഭാഗമാവുകയായിരുന്നു. ക്രിയേറ്റീവ് കാര്യങ്ങളെല്ലാം അന്നും ഇന്നും ചെയ്യുന്നത് പുള്ളിക്കാരിയാണ്.എന്ത് കാര്യം ചെയ്യാനും ആള് റെഡിയാണ്.
തന്വി തുടക്കത്തില് ഭയങ്കര ആക്റ്റീവായിരുന്നു. പ്രായം മാറുന്തോറും പിള്ളേരില് വ്യത്യാസം വരുമല്ലോ. ഇപ്പോള് ബ്യൂട്ടി കോണ്ഷ്യസാണ്. ചില കണ്ടീഷന്സിലൊക്കെയാണ് പോവുന്നത്. അതുപോലെ അഭിനയിക്കാം, പ്രതിഫലം വേണമെന്ന് പറയും. പൈസ കൊടുത്തില്ലെങ്കില് നമുക്കിത് മേടിക്കാം അച്ഛാ എന്ന് പറയും. സാധനങ്ങളൊക്കെ വാങ്ങിപ്പിക്കാം.
പഠിക്കാനോ എന്തെങ്കിലും ചെയ്യാനോ ഒന്നും ഞങ്ങള് അവളെ നിര്ബന്ധിക്കാറില്ല. ഞാനോ ലക്ഷ്മിയോ ഞങ്ങള് പഠിച്ച മേഖലയിലൊന്നുമല്ല നില്ക്കുന്നത്. തന്വിയെ ഞങ്ങള് ഫ്രീയായിട്ട് വിട്ടേക്കുവാണ്. ഇപ്പോള് ഒരു പിടുത്തം പിടിച്ചാലോ എന്ന് തോന്നുന്നുണ്ട്. കംപ്ലെയ്ന്റൊക്കെ വരുന്നുണ്ട്. ഇടയ്ക്കൊക്കെ സ്കൂളില് നിന്നും കോളൊക്കെ വരാറുണ്ട്.
പേരന്റിംഗിന് വേണ്ടിയൊന്നും പ്ലാന് ചെയ്യാന് പറ്റില്ല. മിസ്റ്റേക്കുകളൊക്കെ വരും. അതൊക്കെ തിരുത്തിയങ്ങ് പോവും. ചിലതൊക്കെ നമ്മളായിട്ട് തന്നെ തിരുത്തി പോവും. എന്റെ നല്ല ഫ്രണ്ടാണ് അമ്മയെന്നാണ് തന്വി പറയാറുള്ളത്. ഇടയ്ക്ക് ഒടിപിക്ക് വേണ്ടി രണ്ടുപേരും എന്നെ വിളിക്കും, ഞാന് ഇത് വാങ്ങിച്ചേ എന്നൊക്കെ പറയാറുണ്ട് രണ്ടാളും.
