തെന്നിന്ത്യന് സിനിമയുടെ സ്വന്തം താരങ്ങളിലൊരാളാണ് നമിത. തെലുങ്കും തമിഴും മാത്രമല്ല മലയാളത്തിലും താരം സാന്നിധ്യം അറിയിച്ചിട്ടുണ്ട്. സോഷ്യല്മീഡിയയില് സജീവമായ നമിത പങ്കിടുന്ന വിശേഷങ്ങളെല്ലാം പെട്ടെന്ന് തന്നെ ശ്രദ്ധിക്കപ്പെടാറുണ്ട്. മക്കളുടെ പിറന്നാളാഘോഷത്തെക്കുറിച്ച് പറഞ്ഞുള്ള നമിതയുടെ പോസ്റ്റും ചിത്രങ്ങളും വൈറലായിക്കൊണ്ടിരിക്കുകയാണ്.
നീണ്ടനാളത്തെ കാത്തിരിപ്പിനൊടുവിലായി ഇരട്ടക്കുട്ടികളെത്തിയ സന്തോഷം നമിത മുന്പ് പങ്കുവെച്ചിരുന്നു. ഞങ്ങള്ക്ക് വേണ്ടി പ്രാര്ത്ഥിച്ച എല്ലാവരോടും നന്ദി പറയുന്നു. ഈ സ്നേഹവും അനുഗ്രഹവും എന്നും ഞങ്ങള്ക്കൊപ്പമുണ്ടാവണമെന്നും അന്ന് താരം കുറിച്ചിരുന്നു.
ഞങ്ങളുടെ ജീവിതം സന്തോഷത്തോടെ മുന്നേറുന്നതിന്റെ കാരണം നിങ്ങളാണ്. കൃഷ്ണ ആദിത്യയും കിരണ് രാജും ഒന്നാം പിറന്നാള് ആഘോഷിക്കുകയാണ്. ഞങ്ങളുടെ ജീവിതത്തിലേക്ക് മാജിക്കും അത്ഭുതങ്ങളും കൊണ്ടുവന്നവരാണ് നിങ്ങള്. എന്റെ ഹൃദയവും ഹൃദയത്തുടിപ്പും നിങ്ങളാണെന്നുമായിരുന്നു നമിത കുറിച്ചത്.
അമ്പലപ്പുഴ ക്ഷേത്രത്തില് കുടുംബസമേതമായാണ് നമിത എത്തിയത്. മക്കളുടെ മുഖം വ്യക്തമാവാത്ത രീതിയിലുള്ള ചിത്രങ്ങളാണ് താരം പോസ്റ്റ് ചെയ്തിട്ടുള്ളത്. നിരവധി പേരാണ് പോസ്റ്റിന് താഴെയായി ആശംസ അറിയിച്ചെത്തിയിട്ടുള്ളത്.
മാതൃത്വത്തിലേക്ക് കടക്കുമ്പോള് തന്നെ എന്നില് മാറ്റങ്ങള് പ്രകടമാണ്. ജീവിതത്തിലെ പുതിയ അധ്യായമാണ് ഇത്. നിങ്ങള്ക്ക് വേണ്ടി ഞാനൊരുപാട് പ്രാര്ത്ഥിച്ചിരുന്നു. ഇപ്പോള് നിങ്ങളെ എനിക്കറിയാമെന്നായിരുന്നു നിറവയര് ഫോട്ടോ ഷൂട്ടിനൊപ്പമായി നമിത കുറിച്ചത്.
നിര്മ്മാതാവായ വീരേന്ദ്ര ചൗധരിയാണ് നമിതയെ വിവാഹം ചെയ്തത്. 2017ലായിരുന്നു ഇവരുടെ വിവാഹം. വിവാഹത്തോടെയായിരുന്നു സിനിമയില് നിന്നും നമിത ബ്രേക്കെടുത്തിരുന്നു. മോഹന്ലാല് ചിത്രമായ പുലിമുരുകനിലൂടെയായിരുന്നു രണ്ടാംവരവ്.
