കോഴിക്കോട്: മന്ത്രി അഹമ്മദ് ദേവര്കോവിലിന്റെ വാഹനത്തിനു സൈഡ് കൊടുത്തില്ലെന്ന് ആരോപിച്ചു മീന് ലോറി ഡ്രൈവറെ പോലീസ് റോഡിലേക്കു പിടിച്ചിറക്കി മര്ദിച്ചെന്നു പരാതി. ചേളാരി സ്വദേശി മുഹമ്മദ് സാദിഫിനാണു കോഴിക്കോട് സൗത്ത് ബീച്ച് പരിസരത്തുവച്ചു മര്ദനമേറ്റത്. സംഭവത്തില് രോഷാകുലരായ നാട്ടുകാര് പിന്നീട് ഇതുവഴി പോയ മന്ത്രിയെ തടഞ്ഞുവച്ചു പ്രതിഷേധിച്ചു.
സംഭവം തന്റെ അറിവോടെയല്ലെന്നാണു മന്ത്രി പറഞ്ഞത്. മന്ത്രിയെ അപായപ്പെടുത്താന് ശ്രമിച്ചതായി ആരോപിച്ച് വധശ്രമത്തിന് കോഴിക്കോട് ടൗണ് സൗത്ത് പോലീസ് സാദിഫിനെതിരേ കേസെടുത്തു. ഇരു വാഹനങ്ങളും ചോമ്പാലയില്നിന്ന് പരപ്പനങ്ങാടി ഭാഗത്തേക്കു പോവുകയായിരുന്നു. മന്ത്രിയുടെ വാഹനത്തിന് അകമ്പടി പോയ പോലീസുകാരാണ് തന്നെ മര്ദിച്ചതെന്നു സാദിഫ് പറഞ്ഞു.
െകെക്കു പരുക്കേറ്റ സാഫിദ് കോഴിക്കോട് ബീച്ച് ആശുപത്രിയില് ചികിത്സ തേടി. മന്ത്രിയുടെ വാഹനത്തെ അപകടപ്പെടുത്തും വിധം വാഹനം ഓടിക്കുകയും സുരക്ഷ ഉദ്യോഗസ്ഥരെ അസഭ്യം പറയുകയും ചെയ്തതിനാണ് മുഹമ്മദ് സാദിഫിനെതിരേ കേസെടുത്തതെന്ന് പോലീസ് പറഞ്ഞു. ഏറെ നേരം മന്ത്രിയുടെ വാഹനത്തിനു മുന്നില് ബോധപൂര്വം തടസം സൃഷ്ടിച്ചെന്നും െപെലറ്റ് വാഹനത്തിലെ ഉദ്യോഗസ്ഥര് താക്കീത് നല്കിയപ്പോള് അവരെ അസഭ്യം പറഞ്ഞശേഷം വീണ്ടും മന്ത്രിയുടെ വാഹനത്തെ അപകടപ്പെടുത്തും വിധം ഡ്രൈവ് ചെയ്തെന്നും പോലീസ് പറഞ്ഞു.
നഗരത്തിലെ പ്രധാനപാതയായ റെഡ് ക്രോസ് റോഡ് സി.എച്ച് ഓവര് ബ്രിഡ്ജ് അറ്റകുറ്റപ്പണിക്കായി അടച്ചതോടെ ഗതാഗത തടസം രൂക്ഷമാണ്. ആംബുലന്സുകള് പോലും കുരുക്കില്പ്പെടുകയാണ്. ഇതിനിടെയാണു മന്ത്രിമാര് പോലീസ് അകമ്പടിയില് ചീറിപ്പായുന്നതെന്നു നാട്ടുകാര് ആരോപിച്ചു.
