മലയാള കുടുംബപ്രേക്ഷകര്ക്ക് ഏറെയിഷ്ടമുള്ള സീരിയല് താരങ്ങള് ഒരുപാടുണ്ട്, അതില് വില്ലൻ കഥാപാത്രമായെത്തി പ്രേക്ഷക ശ്രദ്ധനേടിയ നടനാണ് റോണ്സണ്. ബിഗ് ബോസ് മലയാളം സീസണ് 4 ല് മത്സരാര്ത്ഥിയായി എത്തിയതോടെയായിരുന്നു താരം പ്രേക്ഷകര്ക്ക് കൂടുതല് സുപരിചിതനായത്. ക്ഷമയും സമാധാനവും മുറുകെ പിടിച്ച് 92-ാമത്തെ എപ്പിസോഡില് ആയിരുന്നു താരത്തിന്റെ ബിഗ് ബോസ് പടിയിറക്കം. ഷോ കഴിഞ്ഞതിന് പിന്നാലെ തന്റെ അഭിനയ ജീവിതത്തിലേക്ക് താരം തിരികെ പോയിരുന്നു. സോഷ്യല് മീഡിയയില് സജീവമായ താരം പങ്കുവച്ച ഹൃദയഹാരിയായ ഒരു പോസ്റ്റാണിപ്പോള് പ്രേക്ഷക ശ്രദ്ധനേടുന്നത്. റോണ്സന്റെ ഭാര്യയും നടിയുമായ നീരജയെക്കുറിച്ചാണ് റോണ്സണ് പങ്കുവച്ച പോസ്റ്റ്. നീരജ ഡോക്ടര് കൂടിയാണ്. ഒരു വിദേശ യാത്രയ്ക്കിടെ ഫ്ലൈറ്റില് എമര്ജൻസി സിറ്റുവേഷൻ വന്നെന്നും സമയോചിതമായി ഇടപെട്ട് ആ രോഗിയുടെ ജീവൻ നീരജ രക്ഷിച്ചെന്നും റോണ്സണ് പറയുന്നു. ഫ്ലൈറ്റില് വച്ചുള്ള ഈ സംഭവത്തിന്റെ വീഡിയോയും താരം പങ്കിട്ടിട്ടുണ്ട്.
‘‘ഒരു കഥ സൊല്ലട്ടുമാ. ഞാനും ഭാര്യയും വിദേശത്തേക്ക് പോയി തിരികെ വരുമ്ബോള് ഫ്ലൈറ്റില് ഇരുന്ന ഒരാള്ക്ക് പെട്ടെന്ന് സുഖമില്ലാതായി. എമര്ജൻസി സിറ്റുവേഷനെന്ന് പൈലറ്റ് അനൗണ്സ് ചെയ്തു. ഫ്ലൈറ്റില് ഡോക്ടേഴ്സ് ആരെങ്കിലും ഉണ്ടോ? എന്നും ചോദിച്ചു. അതുകേട്ട പാതി അവള് രോഗിയുടെ അടുത്തേക്ക് ഓടി. ആ ക്രിട്ടിക്കല് സിറ്റുവേഷൻ സ്മൂത്തായി കൈകാര്യം ചെയ്ത് രോഗിയെ രക്ഷിച്ചു. ഞാനെപ്പോഴും എന്റെ ഭാര്യയെ ഓര്ത്ത് അഭിമാനം കൊള്ളുന്നു. ഷി ഈസ് ഡോക്ടര് നീരജ. ഇന്ന് അവളുടെ പുറന്തനാള്. ജൂലൈ 2. നിങ്ങള്ക്കെല്ലാവര്ക്കും അറിയും, ജൂലൈ 1 ഡോക്ടേഴ്സ് ഡേയാണെന്ന്. ജൂലൈ 2ന് അവളും ജനിച്ചു. അവള് ഡോക്ടറാവാൻ വേണ്ടി ജനിച്ചവള്. പലപ്പോഴും ഡോക്ടര്മാര് മാലാഖമാരാണ്...’’ എന്നാണ് വീഡിയോയില് റോണ്സണ് പറയുന്നത്.
റോണ്സണെ പോലെ തന്നെ പ്രേക്ഷകര്ക്ക് പ്രിയങ്കരിയാണ് നീരജ. മലയാള സിനിമയില് ബാലതാരമായി നിറഞ്ഞുനിന്ന താരത്തെ മലയാളി പ്രേക്ഷകരാരും മറന്നിട്ടില്ല. ഇപ്പോള് അഭിനയ ജീവിതത്തില് നിന്ന് മാറി തന്റെ കരിയറില് ശ്രദ്ധ കേന്ദ്രീകരിച്ചിരിക്കുകയാണ് താരം. 2020ലാണ് ഡോക്ടറായ നീരജയും റോണ്സണും പ്രണയത്തിലൂടെ വിവാഹിതരായത്.
