ഞാന് സ്റ്റീവ് ലോപ്പസിലൂടെയായാണ് അഹാന കൃഷ്ണ സിനിമയിലെത്തിയത്. താരപുത്രി എന്നതിലുപരി സ്വന്തം സ്ഥാനം നേടിയെടുത്ത് മുന്നേറുകയാണ് അഹാന. കുഞ്ഞായിരുന്നപ്പോള് അമ്മ പരീക്ഷിച്ചിരുന്ന ഹെയര് സ്റ്റൈലിനെക്കുറിച്ച് പറഞ്ഞെത്തിയിരിക്കുകയാണ് അഹാന. യൂട്യൂബ് ചാനലിലൂടെയായാണ് അഹാനയും അമ്മയും വിശേഷങ്ങള് പങ്കുവെച്ചത്.
കുട്ടിക്കാലത്തെ ചിത്രങ്ങള് നോക്കുമ്പോള് എന്റെ മുടി അങ്ങനെ വെറുതെ കെട്ടിവെച്ചതായിരിക്കത്തില്ല. അമ്മ ഞങ്ങളുടെ മുടിയെല്ലാം നല്ല ഭംഗിയിലായിരുന്നു കെട്ടിത്തരുന്നത്. കണ്ടാല് പെട്ടെന്ന് ശ്രദ്ധിക്കുന്നതും, ഇത് കൊള്ളാമല്ലോ എന്നും തോന്നുന്ന തരത്തിലാണ് ഹെയര് സ്റ്റൈല്. അതനുസരിച്ചുള്ള റിബണും ബണ്ണുമൊക്കെ അമ്മ വെക്കാറുണ്ട്. ഇത്രേം പിള്ളേരുണ്ടായിട്ടും അമ്മ ഇതും കൃത്യമായി മാനേജ് ചെയ്യും. അതെങ്ങനെയാണ് ചെയ്തിരുന്നതെന്നായിരുന്നു അഹാന അമ്മയോട് ചോദിച്ചത്. അത് വലിയൊരു ടാസ്ക്കായിരുന്നു. എന്നാലും ഞാന് എന്ജോയ് ചെയ്തിരുന്നത് കൊണ്ട് പ്രശ്നമായില്ല.
പണ്ടൊന്നും ഇത്രയധികം ഡ്രസൊന്നുമുണ്ടായിരുന്നില്ല. ഏതാണോ പരിപാടി അതനുസരിച്ച് ഇടാവുന്നൊരു ഡ്രസ് സെലക്റ്റ് ചെയ്തുവെക്കും. പെട്ടെന്ന് തന്നെ ഡ്രസൊക്കെ ചെറുതാവുന്ന കാലമായിരുന്നു അത്. ചെന്നൈയിലും ബാംഗ്ലൂരിലുമൊക്കെ പോവുമ്പോള് ഓരോരുത്തര്ക്കും ഒരു നാലഞ്ച് ജോഡി ഡ്രസ് മേടിക്കും. അത്രയേ കാണുള്ളൂ. ഒരേ ടൈപ്പ് ഡ്രസായിരിക്കും മൂന്നുപേര്ക്കും. കളറും പാറ്റേണുമൊക്കെ മാറ്റമായിരിക്കും.
ഇന്നത്തെ പോലെ നമ്മുടെ വീട്ടില് അധികം സാധനങ്ങളൊന്നുമില്ലായിരുന്നു അന്ന്. അതുകൊണ്ട് സെലക്റ്റ് ചെയ്യാന് എളുപ്പമായിരുന്നു. മുടി കെട്ടാനുള്ള റിബണുകളും എടുത്ത് വെക്കും. ഏത് ഹെയര് സ്റ്റൈലാണ് വേണ്ടതെന്ന് നേരത്തെ ചോദിക്കാറുണ്ട്. അങ്ങനെ വേണം, ഇതുവേണമെന്നൊക്കെ പറയുന്നത് അമ്മുവാണ്. ഓസിയും ഇഷാനിയുമൊന്നും ഒന്നും പറയാറില്ല. അവര്ക്ക് ഞാനെന്ത് ചെയ്ത് കൊടുത്താലും ഓക്കെയാണ്.
എല്ലാവരേയും ഡ്രസ് ചെയ്യിപ്പിച്ച് നിര്ത്തുമ്പോഴേക്കും കിച്ചു കാറില് കയറി ഹോണ് മുഴക്കാന് തുടങ്ങും. ലിപസ്റ്റിക്കൊക്കെ ഞാന് ബാഗിലിട്ടാണ് പോവുന്നത്. കണ്മഷിയെഴുതാന് പോലും സമയം കിട്ടാറില്ലായിരുന്നു.
