വടക്കന് കേരള തീരത്ത് ഇന്ന് മുതല് ഈ മാസം 23 വരെയും, കര്ണാടക-ലക്ഷദ്വീപ് തീരങ്ങളില് ജൂലൈ 24 വരെയും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് ജൂലൈ 24 വരെ മുന്നറിയിപ്പുള്ള പ്രദേശങ്ങളില് മത്സ്യബന്ധനത്തിന് പോകരുതെന്ന് കേന്ദ്രകാലാവസ്ഥാ വകുപ്പ് അറിയിച്ചു.
ഇന്നും നാളെയും വടക്കന് ആന്ഡമാന് തീരം, മധ്യ പടിഞ്ഞാറന് അതിനോട് ചേര്ന്ന വടക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും, കര്ണാടക തീരം അതിനോട് ചേര്ന്ന മധ്യ കിഴക്കന് അറബിക്കടല്, വടക്കന് കേരള അതിനോട് ചേര്ന്ന ലക്ഷദ്വീപ് പ്രദേശം, ശ്രീലങ്കന് തീരത്തിന്റെ തെക്ക് പടിഞ്ഞാറന് ബംഗാള് ഉള്ക്കടല് അതിനോട് ചേര്ന്ന തെക്ക് കിഴക്ക് മധ്യ കിഴക്ക് ബംഗാള് ഉള്ക്കടല്, ആന്ഡമാന് കടല്, തെക്കന് തമിഴ്നാട് തീരം, ഗള്ഫ് ഓഫ് മാന്നാര് അതിനോട് ചേര്ന്ന കന്യാകുമാരി തീരം എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
