ആരാധകര്ക്കേറെ പ്രിയപ്പെട്ട നടിയാണ് സമീറ റെഡ്ഡി. സോഷ്യല് മീഡിയയില് സജീവമായ താരം തന്റെ വിശേഷങ്ങളെല്ലാം ആരാധകര്ക്കായി പങ്കുവെക്കാറുണ്ട്. തന്റെ ഭര്ത്താവിന്റെ അമ്മയോടൊപ്പം ചെയ്യുന്ന തമാശ വീഡിയോകള്ക്കാണ് കൂടുതല് ആരാധകര്. വീഡിയോ പലപ്പോഴും വൈറലുമാകാറുണ്ട്. അമ്മായിയമ്മയോടൊപ്പം സെല്ഫിയെടുക്കാന് ഓടുന്ന സമീറയുടെ പുതിയ വീഡിയോയാണ് ഇപ്പോള് ശ്രദ്ധ നേടുന്നത്.
മഴയ്ക്കു മുന്നേ ഇരുവര്ക്കും ഫോട്ടോ എടുക്കണം. പിന്നെ ടൈമര് സെറ്റ് ചെയ്ത് ഒരോട്ടമാണ്. വെയിലുളള നല്ല ഭംഗിയുളള സ്ഥലത്ത് നിന്നു വേണം ഫോട്ടോ എടുക്കാന്. ആകാശത്താണെങ്കില് മഴക്കാറും. മഴ പെയ്യും മുന്പ് കുറഞ്ഞത് ഒരു മൂന്ന് സെല്ഫിയെങ്കിലും എടുക്കണം. ഓട്ടത്തിനിടയിലും ചെറിയ പരിഭവങ്ങളും തര്ക്കങ്ങളുമുണ്ട്. ഒടുവില് മിഷന് പൂര്ത്തിയാക്കുന്നുണ്ട് ഇരുവരും. മിഷന് ഇംപോസിബിള് മ്യൂസിക്കിനൊപ്പം ഓടുന്ന ഇവരെ കണ്ടാല് ആരുമൊന്ന് ചിരിച്ചു പോകും.
‘മഴ അവസാനിക്കുമ്പോള് മിഷന് ആരംഭിക്കും. ടോം ക്രൂസ് ആയി അമ്മായിയമ്മ ’എന്ന ക്യാപ്ഷനോടെയാണ് സമീറ വീഡിയോ പോസ്റ്റ് ചെയ്തിരിക്കുന്നത്. ഇങ്ങനെയൊരു അമ്മായിയമ്മയെയും മരുമകളെയും മറ്റെവിടെയും കിട്ടില്ലെന്നാണ് ആരാധകര് പറയുന്നത്. ഇത്തരം വീഡിയോകള്ക്കായി കാത്തിരിക്കുകയായിരുന്നു എന്ന കമന്റുകളുമുണ്ട്.
