തെന്നിന്ത്യ മുഴുവന് അറിയപ്പെടുന്ന താരമാണ് വിക്രം. മികച്ച നടന് എന്നതിലുപരി വളരെ സിമ്പിളായ വ്യക്തിയാണെന്നുള്ളതും വിക്രത്തിന് ആരാധകര് കൂടുന്നതിന് വലിയൊരു കാരണമാണ്. ആരാധകരോട് എപ്പോഴും വളരെ സാധാരണക്കാരനായി മാത്രമാണ് താരം ഇടപെടാറുള്ളത്. കൂടെയുള്ള സെക്യൂരിറ്റി ജീവനക്കാരെ തടഞ്ഞിട്ടു പോലെ തന്റെ ആരാധകര്ക്കൊപ്പം സെല്ഫിയും ചിത്രങ്ങളുമെടുക്കാന് താരം സമയം നല്കാറുണ്ട്. ഇപ്പോഴിതാ സോഷ്യല് മീഡിയയിലൂടെ വൈറലാകുന്നത് അത്തരമൊരു വീഡിയോയാണ്. വീഡിയോയില് താരത്തിന്റെ പിന്നിലെത്തി സെല്ഫി എടുക്കാന് അനുവാദം ചോദിക്കാനെത്തുന്ന ഒരു കുട്ടിയെ കാണാം. ഇത് കാണുന്ന സെക്യൂരിറ്റി ജീവനക്കാരന് സ്നേഹത്തോടെ ആ കുട്ടിയെ അവിടെ നിന്ന് മാറ്റുന്നതും വീഡിയോയിലുണ്ട്. എന്നാല് അവസാനം ആ കുട്ടിയെ ചേര്ത്തു പിടിച്ച് വളരെ സന്തോഷത്തോടെ സെല്ഫി എടുക്കുന്ന വിക്രത്തിനെയാണ് വീഡിയോയുടെ അവസാനം കാണാന് കഴിയുന്നത്. ചിയാന് വക്രം ക്ലബ് എന്ന ഇന്സ്റ്റാഗ്രാം ഐഡിയിലൂടെ പങ്കിട്ടിരുന്ന ഈ വീഡിയോ ഇതിനോടകം തന്നെ നിരവധി പേര് കാണുകയും ഷെയര് ചെയ്യുകയും ചെയ്തിട്ടുണ്ട്. ജോണ് കിംഗ്സ്റ്റണ് എന്ന വീഡിയോഗ്രാഫറാണ് ഈ ക്യൂട്ട് വീഡിയോ പകര്ത്തിയിരിക്കുന്നത്.
