കോഴിക്കോട്: മാസപ്പടി വിവാദത്തില് വ്യക്തമായ മറുപടി നല്കാതെ മന്ത്രി മുഹമ്മദ് റിയാസ്. ആരോപണങ്ങള്ക്ക് സിപിഎം സംസ്ഥാന സെക്രട്ടറിയേറ്റ് നിലപാട് വ്യക്തമാക്കിയിയിട്ടുണ്ട്. പാര്ട്ടി സെക്രട്ടറി വിശദമായി മറുപടി പറഞ്ഞു. എത്ര തവണ ചോദ്യം ആവര്ത്തിച്ചാലും ഇതു തന്നെയാണ് ഉത്തരമെന്നും മന്ത്രി പറഞ്ഞു. സിഎംആര്എല് കമ്പനി വീണ വിജയന് മാസപ്പടി നല്കിയെന്നും ഈ വിവരം മന്ത്രി തെരഞ്ഞെടുപ്പ് സത്യവാങ്ങ് മൂലത്തില് മറച്ചുവച്ചുവെന്നും ആക്ഷേപത്തെ കുറിച്ചുള്ള ചോദ്യത്തോട് പ്രതികരിക്കുകയായിരുന്നു അദ്ദേഹം.
മാസപ്പടി വിവാദങ്ങള്ക്ക് പിന്നില് മാധ്യമ ഉടമകളുടെ താല്പര്യമാണ്. ഈ സ്വാതന്ത്ര്യ ദിനത്തില് പോലും. സ്വാതന്ത്രം ലഭിക്കാത്ത വിഭാഗമാണ് മാധ്യമപ്രവര്ത്തകര്. നിങ്ങളുടെ മനസാക്ഷിക്ക് അനുസൃതമായി വാര്ത്ത നല്കാന് കഴയുന്നില്ല. മനസാക്ഷിക്ക് നിരക്കാതെ ഉടമകളുടെ രാഷ്ട്രീയ താല്പര്യം സംരക്ഷിക്കാന് നില്ക്കേണ്ടി വരികയാണെന്നും അദ്ദേഹം പറഞ്ഞു. നിങ്ങള്ക്ക് ശമ്പളം തരുന്ന ഉടമകള് നിങ്ങള്ക്ക് സ്വാതന്ത്ര്യം തരുന്നില്ലെന്നും ക്ഷോഭിച്ചുകൊണ്ട് അദ്ദേഹം പറഞ്ഞൂ.
