മുംബൈ: സമൂഹ മാധ്യമത്തിലൂടെ പരിചയപ്പെട്ട പെണ്കുട്ടിയെ സിനിമയില് അവസരം വാഗ്ദാനം ചെയ്ത് വീട്ടിലെത്തി ശാരീരിക ബന്ധത്തിന് വിസമ്മതിച്ചതിനെ തുടര്ന്ന് തലയോട്ടി അടിച്ചുപൊട്ടിക്കുകയും ചെയ്ത ഫിലിം എഡിറ്ററും കാസ്റ്റിംഗ് ഡയറക്ടറുമായ യുവാവ് അറസ്റ്റില്. ബിഹാര് സ്വദേശിയായ 26കാരനായ ദീപക് മലകര് ആണ് അറസ്റ്റിലായത്.
ഈ മാസം 11നായിരുന്നു സംഭവം. വഴക്കിനിടെ ഇയാള് 18 വയസ്സുള്ള കുട്ടിയുടെ തതലയ്ക്കടിച്ചു. കുട്ടി ബോധരഹിതയായി വീണു. ഇതോടെ മരിച്ചുപോയി എന്ന് ഭയന്ന ഇയാള് ഒളിവില് പോയി. എന്നാല് ബോധം വീണ്ടെടുത്ത പെണ്കുട്ടി സമീപവാസികളെ വിവരം അറിയിക്കുകയും അവര് കുട്ടിയെ ആശുപത്രിയില് ആക്കുകയുമായിരുന്നു. തലയോട്ടിയില് മൂന്ന് പൊട്ടലുകളുണ്ടെന്നാണ് റിപ്പോര്ട്ട്. കുട്ടി ഇപ്പോള് ആരോഗ്യനില വീണ്ടെടുത്തുവരികയാണ്.
അതിനിെട, ഗുജറാത്തിലേക്ക് കടന്ന ദീപകിനെ പോലീസ് തിങ്കളാഴ്ച പിടികൂടി. കഴിഞ്ഞ വര്ഷമാണ് ദീപക് പെണ്കുട്ടിയുമായി ഫെയ്സ്ബുക്കിലൂടെ പരിചയപ്പെടുന്നത്. രണ്ട് മാസം മുന്പ് ഇയാള് പെണ്കുട്ടിയുടെ മാതാപിതാക്കളെ കണ്ട് വിവാഹാലോചന നടത്തിയിരുന്നു. മാതാപിതാക്കള് ഇതിനോട് യോജിക്കുകയും ചെയ്തു.
ഇതിനിടെ, പെണ്കുട്ടിയുടെ വീട്ടില് എത്തിയ ഇയാള് ശാരീരിക ബന്ധത്തിന് ശ്രമിച്ചു. എന്നാല് ഇത് തടഞ്ഞ പെണ്കുട്ടി ഹിന്ദി സിനിമയില് കരിയര് തെളിയിച്ച ശേഷമേ വിവാഹം പോലുമുള്ളുവെന്ന് പെണ്കുട്ടി വ്യക്തമാക്കിയതോടെ ഇയാള് തലയ്ക്കടിച്ചു വീഴ്ത്തുകയായിരുന്നു.
