ചരിത്രത്തിലാദ്യമായി സ്പെയിന് വനിതാലോകകപ്പ് കിരീടം ഉയര്ത്താന് സഹായിക്കുമ്പോള് തന്റെ പിതാവിനെ ഇനിയൊരിക്കലും കാണാനാകില്ലെന്ന് ഓള്ഗ അറിഞ്ഞിരുന്നില്ല. വനിതാലോകകപ്പില് കപ്പ് ഉയര്ത്തിയ സ്പാനിഷ് ടീമിന്റെ ക്യാപ്റ്റന് ഓള്ഗ കാര്മോണയെ വിവരം അറിയിച്ചത് കളി കഴിഞ്ഞ ശേഷം. ഫൈനലില് ഇംഗ്ളണ്ടിനെ 1-0 ന് തോല്പ്പിച്ചായിരുന്ന സ്പെയിന് കപ്പുയര്ത്തിയത്.
കലാശപ്പോരാട്ടത്തില് ഓള്ഗയുടെ ഗോളിലായിരുന്നു സ്പെയിന് വിജയിച്ചതും. റയല് മാഡ്രിഡിന്റെ ലെഫ്റ്റ് ബാക്കായി കളിക്കുന്ന ഓള്ഗയുടെ പിതാവ് ദീര്ഘകാലമായി അസുഖബാധിതനായിരുന്നു. സ്പാനിഷ് ദേശീയ ടീം ഇംഗ്ളണ്ടിനെ ഫൈനലില് നേരിട്ട ദിവസം പിതാവ് മരണമടയുകയും ചെയ്തു. '' ഒന്നും അറിഞ്ഞിരുന്നില്ല. മത്സരത്തിന് മുമ്പ് എനിക്കൊരു നക്ഷത്രം ഉദിച്ചിരുന്നു. ഈ നേട്ടം ഉണ്ടാക്കാന് എനിക്ക് കരുത്തായത് നിങ്ങളായിരുന്നെന്ന് ഇപ്പോഴറിയുന്നു.'' ലോകകപ്പ് മെഡലില് ചുംബിച്ചു കൊണ്ട് നില്ക്കുന്ന ചിത്രത്തോടൊപ്പം കാര്മോണ കുറിച്ചു.
ലോകകപ്പ് ഫൈനലിന് ശേഷമാണ് ഓള്ഗയെ വിവരമറിയിച്ചത്. താരത്തിന് ഫൈനലില് കൂടുതല് ശ്രദ്ധ വെയ്ക്കുന്നതിനായി പിതാവിന്റെ മരണവിവരം അറിയിക്കേണ്ടെന്ന് കുടുംബവും സുഹൃത്തുക്കളും ചേര്ന്ന് തീരുമാനം എടുക്കുകയായിരുന്നു. താരത്തെ പിന്തുണയ്ക്കാന് ഓസ്ട്രേലിയയില് മാതാവും സഹോദരനും എത്തിയിരുന്നു. അവരുടെ ക്ലബ്ബ് റിയല് മാഡ്രിഡും ആദരാഞ്ജലിയുമായി എത്തിയിരുന്നു.
മത്സരത്തില് ഗോളടിച്ച കാര്മോണ ബനിയനില് എഴുതിയിരുന്ന മെര്ച്ചി എന്ന സന്ദേശം കാട്ടിയാണ് ഗോളാഘോഷം നടത്തിയത്. മാതാവ് മരിച്ച തന്റെ ഒരു സുഹൃത്തിനാണ് ഗോള് താരം സമര്പ്പിച്ചത്. ''ഇന്ന് രാത്രി നിങ്ങള് എന്റെ കളി കണ്ടിരുന്നെന്ന് ഞാനറിയുന്നു. നിങ്ങള് എന്റെ അഭിമാനമാണ്.'' തന്റെ സാമൂഹ്യമാധ്യമ പേജില് കാര്മോണ കുറിച്ചു.
