ചെന്നെ: പായ്ക്കറ്റില് പരസ്യം ചെയ്തതിനേക്കാള് ഒരു ബിസ്ക്കറ്റ് കുറവ് വന്നതിനെ തുടര്ന്ന് ബിസ്ക്കറ്റ് കമ്പനിക്ക് ഉപഭോക്തൃ കോടതി ഇട്ട പിഴ 1200 ഡോളര് (ഏകദേശം 99000 രൂപ). ബിസ്ക്കറ്റിന്റെ പേരില് പ്രമുഖ ഇന്ത്യന് കമ്പനിയ്ക്കാണ് ഉപഭോക്തൃ കോടതി പിഴചുമത്തിയത്.
ചെന്നൈയില് തെരുവ് നായ്ക്കള്ക്ക് ഭക്ഷണം നല്കാനുള്ള ഉദ്ദേശ്യത്തോടെ പി ഡില്ലിബാബു എന്നയാള് ബിസ്ക്കറ്റ് വാങ്ങിയപ്പോഴാണ് സംഭവം. പായ്ക്ക് തുറന്നപ്പോള് 16 ബിസ്ക്കറ്റുകള് എന്ന് ലേബല് രേഖപ്പെടുത്തിയിട്ടും 15 എണ്ണം മാത്രമേ ഉള്ളില് ഉണ്ടായിരുന്നുള്ളൂ. വിശദീകരണം തേടി ദില്ലിബാബു ഉടന് തന്നെ തന്റെ ലോക്കല് സ്റ്റോറിനെയും കമ്പനിയെയും ബന്ധപ്പെട്ടു. എന്നാല് തൃപ്തികരമായ പ്രതികരണം ലഭിച്ചില്ല. തുടര്ന്നാണ് ഉപഭോക്തൃ കോടതിയില് പരാതി നല്കുകയായിരുന്നു.
ഓരോ ബിസ്ക്കറ്റിനും 0.0090 യുഎസ് ഡോളറാണ് കമ്പനി വിലയിടുന്നതെന്ന് ദില്ലിബാബു തന്റെ പരാതിയില് കണക്കാക്കി. ബിസ്ക്കറ്റ് കമ്പനി പ്രതിദിനം 50 ലക്ഷം പാക്കറ്റുകളാണ് നിര്മ്മിക്കുന്നത്. ബിസ്ക്കറ്റിന്റെ എണ്ണത്തിലെ വ്യത്യാസം കണക്കുകള് പ്രകാരം, ഉപഭോക്താക്കള്ക്ക് പ്രതിദിനം 35000 ഡോളറിന്റെ കുറവ് വരാന് സാധ്യതയുണ്ട്. അതേസമയം ബിസ്ക്കറ്റുകള് വില്പന നടത്തുന്നത് അളവിനേക്കാള് തൂക്കത്തിന്റെ അടിസ്ഥാനത്തിലാണ് എന്ന് കമ്പനി വാദിച്ചെങ്കിലും ഫലപ്രദമായില്ല.
ബിസ്ക്കറ്റിന്റെ പായ്ക്കറ്റില് 76 ഗ്രാം ഭാരമാണ് പ്രദര്ശിപ്പിച്ചിട്ടുള്ളത്. ഉപഭോക്തൃ കോടതി പാക്കറ്റിലെ ഉള്ളടക്കങ്ങള് സൂക്ഷ്മമായി പരിശോധിച്ച് 15 ബിസ്ക്കറ്റുകള് അടങ്ങിയ ഓരോ പാക്കിന്റെയും ഭാരം 74 ഗ്രാം മാത്രമാണെന്ന് കണ്ടെത്തി. 2011 ലെ ലീഗല് മെട്രോളജി നിയമങ്ങളും കമ്പനി ഉദ്ധരിച്ചു. ഇത് പ്രീ-പാക്ക് ചെയ്ത സാധനങ്ങളില് പരമാവധി 4.5 ഗ്രാം ഭാരവ്യത്യാസം അനുവദിക്കുന്നുണ്ട്. എന്നാല് ഈ വിശദീകരണം കോടതി തള്ളിക്കളഞ്ഞു.
റാപ്പറില് 16 ബിസ്ക്കറ്റുകളെ കുറിച്ച് വ്യക്തമായി പരാമര്ശിച്ചിരിക്കുന്നു എന്നതിനാല്, ബിസ്ക്കറ്റുകള് അളവിനെക്കാള് ഭാരം അടിസ്ഥാനമാക്കിയാണ് വിറ്റതെന്ന കമ്പനിയുടെ വാദം തള്ളിക്കളഞ്ഞു. ഈ കണ്ടെത്തലുകളുടെ ഫലമായി. ഫാസ്റ്റ്-മൂവിംഗ് കണ്സ്യൂമര് ഗുഡ്സ് (എഫ്എംസിജി) ആഗസ്ത് 29-ന്, അന്യായമായ വ്യാപാര സമ്പ്രദായങ്ങളില് ഏര്പ്പെട്ടതിന് നഷ്ടപരിഹാരമായി 1200 യുഎസ് ഡോളര് ദില്ലിബാബുവിന് നല്കാന് നിര്ദ്ദേശിച്ചു. കൂടാതെ, സംശയാസ്പദമായ പ്രത്യേക ബാച്ച് ബിസ്ക്കറ്റുകളുടെ വില്പ്പന അവസാനിപ്പിക്കാനും ബിസ്ക്കറ്റ് കമ്പനിയോട് കോടതി ഉത്തരവിട്ടു.
