മലയാള സിനിമയ്ക്ക് ഒരുപിടി നല്ല കഥാപാത്രങ്ങള് നല്കിയ താരമാണ് ശാന്തികൃഷ്ണ. താരം സിനിമയില് നിന്ന് ചെറിയൊരു ഇടവേളയെടുത്തിരുന്നെങ്കിലും ശക്തമായ തിരിച്ചുവരവാണ് നടത്തിയത്. തമിഴിലൂടെ അരങ്ങേറ്റം കുറിച്ച ശാന്തി കൃഷ്ണ 1981 ല് ഭരതൻ ഒരുക്കിയ നിദ്ര എന്ന സിനിമയിലൂടെയാണ് മലയാളത്തിലേക്ക് എത്തുന്നത്. അന്ന് തീരെ ചെറുപ്പമായിരുന്ന താരം ഒരുപിടി നല്ല കഥാപാത്രങ്ങളിലൂടെ സിനിമയില് സജീവമായി. മമ്മൂട്ടി, മോഹൻലാല് അടക്കമുള്ള മുൻനിര താരങ്ങളുടെ നായികയായി നിരവധി ശ്രദ്ധേയ സിനിമകളില് ശാന്തി കൃഷ്ണ അഭിനയിച്ചു കൊണ്ടിരിക്കുന്ന സമയത്താണ് താരം സിനിമയില് നിന്ന് ഇടവേളയെടുത്തത്. ഇപ്പോഴിതാ മോഹന്ലാലിനോട് ആദ്യം ദേഷ്യം തോന്നിയിരുന്നു എന്നാണ് താരം തുറന്നു പറയുന്നത്. ‘‘ അന്ന് എനിക്കത് അറിയില്ല. മഞ്ഞില് വിരിഞ്ഞ പൂക്കളിലെ വില്ലനെ കണ്ടപ്പോള് എനിക്ക് ഇഷ്ടമല്ലായിരുന്നു. ഞാന് ആദ്യമായി അഭിനയിച്ച നിദ്രയും അക്കാലത്ത് തന്നെയാണ് റിലീസ് ചെയ്തത്. എനിക്കന്ന് ആ ദുഷ്ടത്തരത്തിനോടും വില്ലനോടും ദേഷ്യം തോന്നി. അന്ന് ചെറുപ്പമല്ലേ. പക്ഷേ പിന്നീടെനിക്ക് മനസ്സിലായി, അത്രയും കഴിവുള്ള ഒരു കലാകാരനാണ് മോഹന്ലാല് എന്ന്. ഒരു വില്ലന് കഥാപാത്രത്തോട് നമുക്കെത്രയും ദേഷ്യം തോന്നുന്നുവോ അത് തന്നെയാണ് ആ നടന് കിട്ടുന്ന ഏറ്റവും വലിയ അവാര്ഡ്...’’ ശാന്തികൃഷ്ണ പറഞ്ഞു.
ജീവിതത്തില് ചില അപ്രതീക്ഷിത പ്രതിസന്ധികളിലൂടെ കടന്നു പോകേണ്ടി വന്നിട്ടുള്ളതിനെക്കുറിച്ചും താരം തുറന്നു പറയുന്നുണ്ട്. ‘‘അച്ഛന്റെയും അമ്മയുടെയും അനുഗ്രഹമോ എന്തുകൊണ്ടൊക്കെയോ എനിക്ക് അതില് നിന്നെല്ലാം പുറത്തുകടക്കാൻ സാധിച്ചു. ഞാൻ ഒറ്റപ്പെട്ടുപോയ എന്ന തോന്നല് ഒന്നും എനിക്ക് വന്നിട്ടില്ല. ആര്ക്കായാലും ഇത്തരം സാഹചര്യങ്ങളിലൂടെ കടന്നു പോകേണ്ടിവരും. അതിനെ നമ്മള് എങ്ങനെ കൈകാര്യം ചെയ്യുന്നു എന്നതിലാണ്. ജീവിതം നമ്മുടെ കൈയ്യില് അല്ല. എനിക്ക് ഒരിക്കലും എന്റെ ജീവിതം പ്ലാൻ ചെയ്തുകൊണ്ടുപോകാൻ കഴിഞ്ഞിട്ടില്ല. നമ്മള് വിഷമിച്ചിരുന്നാലും കരഞ്ഞാലും നമ്മുടെ ആരോഗ്യമാണ് ഇല്ലാതാവുക. മറ്റാര്ക്കും ഒരു പ്രശ്നവും ഉണ്ടാകണമെന്നില്ല. പിന്നെ എന്തിനു നമ്മള് വിഷമഘട്ടങ്ങളെ കുറിച്ചോര്ത്തു ദുഖിച്ചിരിക്കണം. എല്ലാവരുടെയും ഉള്ളില് ഒരു ഇന്നര് സ്ട്രെങ്ത്ത് ഉണ്ട്. അതിനെ അറിഞ്ഞു മനസിലാക്കി പുറത്തേക്ക് കൊണ്ടുവരുന്നതിലാണ് കാര്യം. ജീവിതത്തില് പെട്ടെന്ന് ദേഷ്യം വരുന്ന ആളാണ് ഞാന്. ഷോര്ട്ട് ടെംപേര്ഡ് ആണോ എന്ന് ചോദിച്ചാല് ഇപ്പോള് കുറച്ചു ഇംപേഷ്യന്റ് ആണ്. സത്യസന്ധത കാണിക്കാത്ത ആളുകളെ തിരിച്ചറിയാൻ ആയാല് എനിക്ക് വലിയ ഇറിറ്റേഷൻ തോന്നാറുണ്ട്. അതേപോലെ മറ്റൊരു കാര്യം കൃത്യനിഷ്ഠ പാലിക്കുന്നതിലാണ്. അത് മക്കളോടും അങ്ങനെ തന്നെ ആയിരുന്നു, അതിലൊക്കെ ഇറിറ്റേറ്റ് ആകാറുണ്ട്. പണ്ടൊക്കെ വിഷമം വന്നാല് ഒരിടത്ത് ഇരുന്ന് കരയും പക്ഷെ ഇപ്പോള് താൻ ദേഷ്യപ്പെടാറാണ് പതിവ്...’’ ശാന്തി കൃഷ്ണ പറഞ്ഞു.
രണ്ടാം വിവാഹത്തെ തുടര്ന്ന് ശാന്തി കൃഷ്ണ സിനിമയില് നിന്നും മാറി നിന്നെങ്കിലും ആ ബന്ധം വേര്പിരിഞ്ഞതിന് പിന്നാലെയാണ് വീണ്ടും സിനിമയില് സജീവമായി.നിവിൻ പോളി നായകനായ ഞണ്ടുകളുടെ നാട്ടില് ഒരിടവേള എന്ന ചിത്രത്തിലൂടെയായിരുന്നു തിരിച്ചുവരവ്. തിരിച്ചുവരവില് കൂടുതല് അമ്മ വേഷങ്ങളാണ് ശാന്തിക്ക് ലഭിക്കുന്നത്. ഏറ്റവും ഒടുവില് ദുല്ഖര് സല്മാൻ നായകനായ കിങ് ഓഫ് കൊത്തയിലാണ് ശാന്തി കൃഷ്ണ അഭിനയിച്ചത്.
