ഇന്നലെ രാത്രി മുതൽ സോഷ്യൽ മീഡിയയിൽ വൈറലായ വീഡിയോയാണ് സിനിമ താരങ്ങളായ സണ്ണി വെയ്നും ലുക്മാൻ അവറാനും തമ്മിൽ നടന്ന അടി. ഹോട്ടൽ മുറിയിൽ ഇരു താരങ്ങളും തമ്മിൽ നടക്കുന്ന അടിയ്ക്കിടെ സുഹൃത്തുക്കൾ രണ്ട് പേരെയും മാറ്റി നിർത്താൻ ശ്രമിക്കുന്നതും എന്നാൽ വീണ്ടും അടി നടക്കുന്നതും വീഡിയോയിൽ കാണാം.
ഇന്നലെ അർദ്ധ രാത്രി മുതൽ പ്രചരിക്കുന്ന വീഡിയോയെ സംബന്ധിച്ച് നിരവധി അഭ്യൂഹങ്ങളും ചർച്ചകളുമാണ് സോഷ്യൽ മീഡിയയിൽ നിറയുന്നത്. അപ്ലോഡ് ചെയ്ത് നിമിഷങ്ങൾക്കുള്ളിൽ തന്നെ വീഡിയോ വൈറലായിരുന്നു.
സണ്ണിയും ലുക്മാനും ഒന്നിച്ചുള്ള പുതിയ സിനിമയുടെ പ്രൊമോഷന്റെ ഭാഗമാണെന്നും, ക്യാമറയുടെ ചലനവും മറ്റും നോക്കി സക്രിപ്റ്റഡായാണ് വീഡിയോ എടുത്തിരിക്കുന്നതെന്നുമാണ് കുറച്ചാളുകൾ പറയുന്നത്.പക്ഷേ സിനിമയെ കുറിച്ചുള്ള യാതൊരു വിവരങ്ങളും ഇതുവരെ പുറത്ത് വന്നിട്ടില്ല.
എന്നാൽ ഇത് ശരിക്കും നടന്ന അടിയാണെന്നും താരങ്ങൾ തമ്മിലുള്ള ഈഗോ പ്രശനമാണ് കാര്യങ്ങൾ വഷളാവാൻ കാരണമെന്നുമാണ് ചിലർ പറയുന്നത്. എന്തായാലും താരങ്ങൾ രണ്ടു പേരും പ്രതികരിക്കുന്നത് വരെ കാത്തിരിക്കുകയാണ് ആരാധക ലോകം.
