ഇന്ത്യയിലെ ഏറ്റവും തിരക്കുപിടിച്ച നഗരമാണ് ബാംഗ്ളൂര്. അതുകൊണ്ട് തന്നെ അസാധാരണമായ സ്ഥലങ്ങളിലിരുന്ന് തങ്ങളുടെ ലാപ് ടോപ്പുകളില് ജോലി ചെയ്യുന്ന ടെക്കികളെ സംബന്ധിക്കുന്ന വീഡിയോകളും ചിത്രങ്ങളും പലപ്പോഴും സമൂഹ മാധ്യമങ്ങളിലൂടെ വൈറലായിട്ടുണ്ട്. അത്തരമൊരു സാഹചര്യത്തില് ജോലി ചെയ്യുന്ന ഒരു ടെക്കിയുടെ ചിത്രം സാമൂഹിക മാധ്യമങ്ങളില് കഴിഞ്ഞ ദിവസം വൈറലായി. സൂപ്പര്താരം ഷാരൂഖാന്റെ ഹിറ്റ് സിനിമ ജവാന് തിയേറ്ററില് കാണുന്നതിനിടയിലാണ് യുവാവ് ലാപ്പ് ടോപ്പില് ജോലിചെയ്തത്.
@Neelangana Noopur എന്ന എക്സ് ഉപയോക്താവാണ് ചിത്രം സാമൂഹിക മാധ്യമങ്ങളില് പങ്കുവച്ചത്. ചിത്രത്തില് ഒരു തിയറ്ററില് സിനിമ ആരംഭിക്കാന് പോകുമ്പോള്, തന്റെ ലാപ്പ് ടോപ്പില് ജോലി ചെയ്തു കൊണ്ടിരുന്ന ഒരു ടെക്കിയെ കാണാം. ചിത്രത്തോടൊപ്പം നീലാംഗന നൂപുര് ഇങ്ങനെ എഴുതി,' ജവാന് ആദ്യ ദിനം പ്രധാനമാണെങ്കിലും ജീവിതം പീക്ക്ബെംഗളൂരു. ഒരു ബാംഗ്ലൂര് INOX-ല് നിരീക്ഷിച്ചു. ഈ ചിത്രമെടുക്കുന്നതില് ഇമെയിലുകള്ക്കോ ടീമുകളുടെ സെഷനുകള്ക്കോ ദോഷം സംഭവിച്ചിട്ടില്ല.' ജവാന് സിനിമ തുടങ്ങുന്നതിന് തൊട്ട് മുമ്പ് തീയറ്ററിലിരുന്നു ഒരു ടെക്കി തന്റെ ജോലികള് ചെയ്യുന്നതിന്റെ ചിത്രമായിരുന്നു അത്.
ഇതിനിടയില് തിയറ്ററില് ലാപ്ടോപ്പ് ഉപയോഗിക്കുന്നത് മറ്റ് സിനിമാ ആസ്വാദകരുടെ കാഴ്ചാനുഭവം തടസ്സപ്പെടുത്തുമെന്ന് നിരവധി ഉപയോക്താക്കള് ആശങ്ക പ്രകടിപ്പിച്ചു. പിന്നാലെ പോസ്റ്റ് സാമൂഹിക മാധ്യമങ്ങളില് വൈറലായി. നിരവധി പേരാണ് തങ്ങളുടെ അഭിപ്രായം രേഖപ്പെടുത്താനെത്തിയത്. 'ഡബ്ല്യുഎഫ്എച്ച് (Work From Home) ബെംഗ്ലൂരില് മാത്രമല്ല ഇന്ത്യയിലുടനീളം പ്രബലമാണ്! മാത്രമല്ല, ഇത് തികച്ചും മര്യാദയില്ലാത്തതാണ്, മറ്റ് സിനിമാ പ്രേക്ഷകരെ സമാധാനപരമായി സിനിമ കാണുന്നവരെ ശല്യപ്പെടുത്തുന്ന അച്ചടക്കമില്ലായ്മ ഉണ്ട്! ഞാന് ബൗണ്സര്മാരെ വിളിച്ച് നിങ്ങളെ പുറത്താക്കുമായിരുന്നു,' ഒരു ഉപയോക്താവ് എഴുതി. ഏതായാലും സംഭവം വൈറലായതോടെ യുവാവിനെതിരെ വന് വിമര്ശനമാണ് ഉയരുന്നത്.
