മമ്മൂട്ടി എന്നും മലയാളികളുടെ സ്വകാര്യ അഹങ്കാരമാണ്. താരത്തിന്റെ എല്ലാ വിശേഷങ്ങളും ചിത്രങ്ങളും എപ്പോഴും ആരാധകര് ഏറ്റെടുക്കാറുണ്ട്. ഇപ്പോഴിതാ ഇപ്പോഴിതാ മഹാരാജാസ് കോളജിലെ പഠനകാലത്ത് കഥാപ്രസംഗം അവതരിപ്പിക്കുന്ന മമ്മൂട്ടിയുടെയും സുഹൃത്തുക്കളുടെയും ത്രോ ബാക്ക് ചിത്രം പങ്കിട്ടിരിക്കുകയാണ് സുഹൃത്ത്. സാംസ്കാരികപ്രവര്ത്തകനും മഹാരാജാസ് കോളേജ് ഓള്ഡ് സ്റ്റുഡന്റ്സ് പ്രസിഡന്റുമായ സിഐസിസി ജയചന്ദ്രനാണ് ചിത്രം ഫെയ്സ്ബുക്കില് പങ്കുവെച്ചത്. ‘‘അരനൂറ്റാണ്ട് പഴക്കമുള്ള ഒരു മഹാരാജകീയ മമ്മുട്ടി ചിത്രം. 1973 ൽ മഹാരാജാസ് കോളേജ് ആർട്ട്സ് ക്ലബ് ഉദ്ഘാടനത്തിന് കോഴി എന്ന കഥാപ്രസംഗം ആദ്യമായി അവതരിപ്പിക്കുകയാണ് ഇവർ. മമ്മൂട്ടി, അബ്ദുൽ കാദർ, ചന്ദ്രമോഹൻ, മുഹമ്മദ് അഷ്റഫ്, ജോസഫ് ചാലി (ഗിറ്റാർ വായിക്കുന്ന ആൾ ) രാജൻ സംഭവത്തിൽ ആർ ഇ. സി. വിദ്യാർത്ഥി എന്ന ജോസഫ് ചാലി അടിയന്തരാവസ്ഥയ്ക്ക് ശേഷം മാധ്യമങ്ങളിൽ നിറഞ്ഞു നിന്ന ഒരു കാലം ഉണ്ടായിരുന്നു. മമ്മുട്ടിക്ക് തൊട്ടടുത്ത് നിൽക്കുന്ന അബ്ദുൾ കലാം ഇന്ന് നമ്മേ വിട്ടു പിരിഞ്ഞു എന്നത് സങ്കടം. ആദ്യം ഈ ഫോട്ടോ അയച്ചുതന്ന Nazir Mohammed നും ഞാൻ ആവശ്യപ്പെട്ട വിവരങ്ങൾ നൽകിയ ഈ ഫോട്ടോയിൽ നാലാമനായി നിൽക്കുന്ന Mohamed Ashraf നും നന്ദി....’’ എന്നാണ് ത്രോ ബാക്ക് ചിത്രത്തിനൊപ്പം ജയചന്ദ്രന് കുറിച്ചത്. ചിത്രം പങ്കുവച്ചയുടന് തന്നെ തങ്ങളുടെ സ്വന്തം താരത്തിന്റെ പഴയ ചിത്രം വൈറലാക്കുകയാണ് ആരാധകര്.
