മമ്മൂട്ടിയോടൊപ്പം അഭിനയിക്കുക എന്നത് വെല്ലുവിളിയായിരുന്നുവെന്ന് നടനും സംവിധായകനുമായ സിദ്ധാര്ത്ഥ് ഭരതന്. അദ്ദേഹത്തിന്റെ മാര്ഗ നിര്ദേശവും പിന്തുണയും പരിമിതികളെ മറികടക്കാനായി സഹായിച്ചുവെന്നും സിദ്ധാര്ത്ഥ് പറഞ്ഞു. അദ്ദേഹത്തിന്റെ നിലവാരമുള്ള ഒരാളുടെ കൂടെ അഭിനയിക്കുന്നത് ഭയങ്കരമായിരുന്നു, പക്ഷേ അദ്ദേഹമത് അനായാസമാക്കി തന്നുവെന്നും സിദ്ധാര്ഥ് ഫേസ്ബുക്കില് കുറിച്ചു.
ഒത്തിരി കാര്യങ്ങള് അദ്ദേഹത്തിന്റെ പ്രൊഫഷണലിസവും അര്പ്പണബോധവും കണ്ട് പഠിക്കാനായി. നിങ്ങള് ശരിക്കും ഇതിഹാസമാണ് മമ്മൂക്ക.. ഈ സിനിമയുടെ അവിശ്വസനീയമായ യാത്രയില് നിങ്ങളോടൊപ്പം ചേരാനായതില് ഞാന് കൃതാര്ത്ഥനാണെന്നും സിദ്ധാര്ഥ് ഫേസ്ബുക്കില് കുറിച്ചു.
മലയാള സിനിമയിലെ ഇതിഹാസമെന്ന് വിശേഷിപ്പിക്കാന് കഴിയുന്ന ഭരതന്റെയും കെ പി എസി ലളിതയുടെയും മകനാണ് സിദ്ധാര്ഥ് ഭരതന്.മലയാള സിനിമാ പ്രേക്ഷകര്ക്ക് ഏറെ പ്രിയങ്കരനായ താരത്തിന്റെ ആദ്യ ചിത്രം '' നമ്മള്'' ആയിരുന്നു. ശേഷം നിരവധി ചിത്രങ്ങളില് അഭിനയിച്ച താരം നിദ്ര എന്ന ചിത്രത്തിലൂടെ സംവിധായകനായി. മമ്മൂട്ടി നായകനായി എത്തുന്ന ഭ്രമയുഗത്തിലാണ് നിലവില് താരം അഭിനയിച്ചത്.
