കുടുംബപ്രേക്ഷകര്ക്ക് ഏറെ സുപരിചിതനായ താരമാണ് ഷാജു ശ്രീധര്. സീരിയലുകളിലൂടെയും സിനിമകളിലൂടെയും പ്രേക്ഷകര്ക്ക് പ്രിയങ്കരനായി മാറിയ ഷാജു ചെറുതും വലുതുമായ ഒരുപാട് കഥാപാത്രങ്ങള് പ്രേക്ഷകര്ക്ക് മുന്നിലെത്തിച്ചിട്ടുണ്ട്. ഇന്നും സീരിയലുകളിലും ടെലിവിഷന് ഷോകളിലും സജീവമാണ് താരം. ഇപ്പോഴിതാ തനിക്ക് മുന്നില് അമിതാഭ് ബച്ചൻ ക്ലാപ് ബോര്ഡ് പിടിച്ചതിനെ കുറിച്ച് പറയുകയാണ് ഷാജു. ഒരു പരസ്യത്തിലാണ് അമിതാഭ് ബച്ചനൊപ്പം അഭിനയിച്ചതെന്ന് ഷാജു ശ്രീധര് പറയുന്നു. അന്ന് ക്ലാപ് ബോര്ഡ് പിടിച്ചത് ഒരു പെണ്കുട്ടി ആണെന്നും ആ കുട്ടിക്ക് തനിക്കൊപ്പം എത്താനാകാത്തതിനാല് അമിതാഭ് ബച്ചൻ ക്ലാപ് അടിക്കുക ആയിരുന്നുവെന്നും ഷാജു ഒരു മാധ്യമത്തിന് നല്കിയ അഭിമുഖത്തില് പറഞ്ഞു. ‘‘അമിതാഭ് ബച്ചന്റെയും മഞ്ജുവാര്യരുടെയും ഫേയ്സ് ടു ഫേയ്സ് ആയിട്ടാണ് ഞാന്. താൻ പറയുന്ന മലയാളം കറക്ട് ആണോ എന്ന് ഓപ്പോസിറ്റ് നിന്ന് കൊണ്ട് ബച്ചന് എന്നോട് ചോദിച്ചു. ആ ചോദ്യം പോലും അദ്ദേഹത്തിന്റെ മുന്നില് ചങ്കിടിപ്പോടെയാണ് ഞാന് കേള്ക്കുന്നത്. ചോദ്യം കേട്ടതോടെ ഞാന് ചെറുതായിട്ട് ഒന്ന് രാജാവായി. കാരണം മലയാളം എനിക്കല്ലേ അറിയൂ. അദ്ദേഹത്തിന് അറിയില്ലല്ലോ. കറക്ട് ആണ് സാര് എന്ന് പറഞ്ഞു. അദ്ദേഹത്തിന്റെ മുന്നില് ഞാൻ വിറച്ചിരിക്കുകയാണ്. ഒരു ബാങ്ക് മാനേജകര് ആയിട്ടാണ് ഞാൻ അഭിനയിക്കുന്നത്. ഓപ്പോസിറ്റ് മഞ്ജുവും അദ്ദേഹവും ഇരിക്കുന്നു. മഞ്ജു പിന്നെ നമുക്ക് നല്ല ഫ്രണ്ട്ലിയാണ്. പരിചയമുള്ള ആളാണ്. അതാണ് ഏക ആശ്വാസം. ബാക്കിയ ഉള്ളവരെല്ലാം പുലികളാണ്. ക്ലാപ് ബോര്ഡ് പിടിക്കൻ നിന്നത് ഒരു പെണ്കുട്ടിയാണ്. ആ കുട്ടിക്ക് എന്റെ മുന്നില് ക്ലാപ് ചെയ്യാന് എത്തുന്നില്ല. അപ്പോള് അമിതാഭ് ബച്ചന് സാര് ആ ക്ലാപ് ബോര്ഡ് വാങ്ങി. എന്റെ ഫേസില് ക്ലാപ് ബോര്ഡ് പിടിച്ചത് അദ്ദേഹമാണ്. അത്ഭുതത്തോടെ ഞാൻ ആ മനുഷ്യനെ നോക്കി. എത്രയോ കാലം ടിവിയില് ഞാന് കണ്ടു കൊണ്ടിരുന്ന മനുഷ്യനാണ് എന്റെ മുന്നിലിരിക്കുന്നത്...’’ ഷാജു ഓര്ത്തെടുക്കുന്നു.
