ഒട്ടാവ: ഇന്ത്യാ കാനഡ വിഷയത്തില് സ്വന്തം സര്ക്കാരിനെതിരേ രൂക്ഷ വിമര്ശനവുമായി കാനഡയിലെ ഇന്ത്യന് വംശജനായ പാര്ലമെന്റംഗം. ലിസ്ഥാന് വിഘടനവാദികള്ക്ക് എതിരേ വേണ്ട സമയത്ത് വേണ്ട നടപടി എടുത്ത് നിലയ്ക്ക് നിര്ത്താത്തതിനാല് ഇപ്പോഴത്തെ പ്രശ്നങ്ങള്ക്ക് ഉത്തരവാദി കാനഡ സര്ക്കാരാണെന്നും ലിബറല് പാര്ട്ടി എംപി ചന്ദ്രാ ആര്യ ആരോപിച്ചു.
വിഘടനവാദികളില് നിന്നും ഭീഷണി ഉയരുന്ന സാഹചര്യത്തില് കാനഡയിലെ ഹിന്ദുക്കള് ഇപ്പോള് ഭീതിയിലാണ് കഴിയുന്നതെന്നും ഞായറാഴ്ച പറഞ്ഞു. കനേഡിയന് ഹിന്ദു സമൂഹത്തോട് ശാന്തമായും അതേസമയം തന്നെ ജാഗ്രതയോടും ഇരിക്കാന് അദ്ദേഹം ആഹ്വാനം ചെയ്തു. പ്രധാനമന്ത്രി ജസ്റ്റിന്ട്രൂഡോ യുടെ പാര്ട്ടിക്കാരനും പാര്ലമെന്റംഗവുമാണ് ആര്യ. വിഘടനവാദ ഗ്രൂപ്പിലെ ഗുര്പത്വന്ത് സിംഗ് പാന്നുനും മറ്റ് ആള്ക്കാരും ഭീഷണി മുഴക്കി രംഗത്ത് വന്ന സാഹചര്യത്തിലാണ് ആര്യ ഇക്കാര്യം പറഞ്ഞത്.
ഒന്നുകില് ഇന്ത്യാ - കാനഡ വിഷയത്തില് ഇടപെടാതിരിക്കുക അല്ലെങ്കില് ഇന്ത്യയിലേക്ക് മടങ്ങിക്കൊള്ളുക. ഈ രീതിയിലായിരുന്നു കനേഡിയന് ഹിന്ദുക്കള്ക്ക് നേരെ ഉയര്ത്തിയ ഭീഷണി. കനേഡിയന് പ്രധാനമന്ത്രിയുടെ പ്രസ്താവനയ്ക്ക് പിന്നാലെ ഉണ്ടാകുന്ന അനന്തരഫലങ്ങളില് തനിക്ക് ആശങ്കയുണ്ടെന്നും കാനഡയിലെ ഹിന്ദുക്കളെ ഓര്ത്താണ് ഈ ആശങ്കയെന്നും താന് മാത്രമല്ല കാനഡയിലെ ഹിന്ദുസമൂഹം മുഴുവന് ഭീതിയിലാണെന്നും അദ്ദേഹം പറഞ്ഞു.
