ഐസിസി ക്രിക്കറ്റ് ലോകകപ്പ് 2023ലെ തങ്ങളുടെ ആദ്യ മത്സരത്തില് അഞ്ച് തവണ ലോക ചാമ്പ്യന്മാരായ ഓസ്ട്രേലിയയെ തകര്ത്തുകൊണ്ടാണ് ഇന്ത്യ തുടങ്ങിയത്. ചെന്നൈയില് നടന്ന ആദ്യ മത്സരത്തില് പക്ഷേ ഇന്ത്യയൂടെ മൂന് താരം ദിനേശ് കാര്ത്തിക് നടത്തിയ പ്രവചനമാണ് ഇപ്പോള് എല്ലാവരുടേയും ശ്രദ്ധ നേടിയിരിക്കുന്നത്. ഇന്ത്യയുടെ സ്റ്റാര് സ്പിന്നര് രവീന്ദ്ര ജഡേജയ്ക്ക് മികച്ച ദിവസം ലഭിക്കുമെന്ന് ദിനേഷ് കാര്ത്തിക് പ്രവചിച്ചു. അത് വളരെ കൃത്യമായി ഫലിക്കുകയും ചെയ്തു.
എംഎ ചിദംബരം സ്റ്റേഡിയത്തില് ടോസ് നേടിയ ഓസ്ട്രേലിയന് നായകന് പാറ്റ് കമ്മിന്സ് ആദ്യം ബാറ്റ് ചെയ്യാന് തീരുമാനിച്ചു. 49.3 ഓവറില് ഇന്ത്യ കങ്കാരുപ്പടയെ 199 റണ്സിന് ഒതുക്കി. ഇന്ത്യന് ഓള്റൗണ്ടര് രവീന്ദ്ര ജഡേജ മികച്ച പ്രകടനവും നടത്തി. സ്റ്റീവന് സ്മിത്ത്, മാര്നസ് ലാബുഷാഗ്നെ, വിക്കറ്റ് കീപ്പര് അലക്സ് കാരി എന്നിവരില് നിന്ന് നിര്ണായകമായ മൂന്ന് വിക്കറ്റുകള് അദ്ദേഹം വീഴ്ത്തി. ജഡേജ 10 ഓവറില് വെറും 28 റണ്സ് മാത്രമാണ് വഴങ്ങിയത്. അങ്ങിനെ ദിനേശ് കാര്ത്തിക്കിന്റെ പ്രവചനം കൃത്യമായി.
തന്റെ മൂന്നാം ഏകദിന ലോകകപ്പ് ആയിരുന്നു രവീന്ദ്ര ജഡേജ കളിച്ചത്. 2015, 2019 ലോകകപ്പുകളുടെ ഭാഗമായിരുന്നു. കഴിഞ്ഞ ദശകത്തില് ഇന്ത്യയുടെ സ്ഥിരതയുള്ള ഓള്റൗണ്ടര്മാരില് ഒരാളാണ് അദ്ദേഹം. അതേസമയം ഇന്ത്യയുടെ ബൗളിംഗ് പ്രകടനം മൊത്തത്തില് മികച്ചതായിരുന്നു.
ഓസീസിനെതിരെ ഇന്ത്യ ആറ് ബൗളിംഗ് ഓപ്ഷനുകള് ഉപയോഗിച്ചു. രവീന്ദ്ര ജഡേജ, രവിചന്ദ്രന് അശ്വിന്, കുല്ദീപ് യാദവ് എന്നീ മൂന്ന് സ്പിന്നിംഗ് ഓപ്ഷനുമായാണ് ഇന്ത്യ കളിച്ചത്. ജഡേജ മൂന്ന് വിക്കറ്റും കുല്ദീപ് യാദവ് രണ്ട് വിക്കറ്റും അശ്വിന് ഒരു വിക്കറ്റും വീഴ്ത്തി. ഇന്ത്യന് പേസര്മാര് മൊത്തം നാല് വിക്കറ്റ് വീഴ്ത്തി, അതില് രണ്ട് സെന്സേഷണല് ജസ്പ്രീത് ബുംറയും മുഹമ്മദ് സിറാജും ഹാര്ദിക് പാണ്ഡ്യയും ഓരോ വിക്കറ്റും വീഴ്ത്തി.
