കോട്ടയം: കലക്ടറേറ്റ് വളപ്പില് സര്ക്കാരിനെതിരേ മുദ്രാവാക്യം വിളിച്ച എന്.ജി.ഒ. അസോസിയേഷന് പ്രവര്ത്തകര്ക്കെതിരേ ക്രിമിനല് കേസെടുത്ത് പോലീസ്! അസോസിയേഷന് സംസ്ഥാന ജനറല് സെക്രട്ടറി എ.എം. ജാഫര് ഖാന്, ജില്ലാ പ്രസിഡന്റ് രഞ്ജു മാത്യു, ജില്ലാ സെക്രട്ടറി വി.പി. ജോബിന് തുടങ്ങി കണ്ടാലറിയാവുന്ന ഇരുപത്തഞ്ചോളം ഉദ്യോഗസ്ഥര്ക്കെതിരേയാണ് അന്യായമായി സംഘം ചേര്ന്നതിനും മുദ്രാവാക്യം വിളിച്ചതിനും കേസെടുത്തത്. രണ്ടുവര്ഷം വരെ തടവുശിക്ഷ കിട്ടാവുന്ന വകുപ്പുകളാണു ചുമത്തിയിട്ടുള്ളത്.
വാട്സ്ആപ് ഗ്രൂപ്പില് പ്രതിപക്ഷനേതാവിന്റെ പ്രസംഗം പങ്കുവച്ചതിനു ജി.എസ്.ടി. വകുപ്പ് ഓഫീസ് അസിസ്റ്റന്റ് കെ.എസ്. പ്രതീഷ്കുമാറിനെ സസ്പെന്ഡ് ചെയ്തതില് പ്രതിഷേധിച്ചാണ് എന്.ജി.ഒ. അസോസിയേഷന് കലക്ടറേറ്റ് വളപ്പില് യോഗം ചേര്ന്നത്. കലക്ടറേറ്റ് വളപ്പില് യോഗം ചേരാന് മറ്റ് സംഘടനകള്ക്കു വിലക്കുണ്ടെങ്കിലും സര്ക്കാര് സര്വീസ് സംഘനകള്ക്ക് അനുവദനീയമാണ്. കലക്ടറേറ്റില് പ്രവര്ത്തിക്കുന്ന ജി.എസ്.ടി. ജോയിന്റ് കമ്മിഷണര് ഓഫീസിനു മുന്നില് കഴിഞ്ഞ നാലിന് ഉച്ചകഴിഞ്ഞ് ഒന്നിന് സര്ക്കാരിനെതിരേ മുദ്രാവാക്യം മുഴക്കിയെന്നാണ് അേസാസിയേഷന് ്രപവര്ത്തകര്ക്കെതിരായ കേസ്.
ധനവകുപ്പ് പരാജയമാണെന്നാരോപിച്ച് പ്രതിപക്ഷനേതാവ് നടത്തിയ നിയമസഭാപ്രസംഗവും പത്രസമ്മേളനവും ഉദ്യോഗസ്ഥരുടെ വാട്സ്ആപ് ഗ്രൂപ്പില് പങ്കുവച്ചതിനാണു പ്രതീഷ്കുമാറിനെ സസ്പെന്ഡ് ചെയ്തത്. സര്ക്കാരിനെ അനുകൂലിച്ച് ഇടതുസംഘടനാനേതാക്കള് പ്രതികരിക്കാറുള്ള അതേ ഗ്രൂപ്പില് ആരെങ്കിലും വിമര്ശനമുന്നയിക്കുന്നത് എങ്ങനെ കുറ്റമാകുമെന്ന് എന്.ജി.ഒ. അസോസിയേഷന് നേതാക്കള് ചോദിക്കുന്നു.
