ചെറുതോണി: ഇടുക്കി ആര്ച്ച് ഡാമിന് സമീപത്തേ കുന്നിന് ചെരുവില് െഹെറേഞ്ചിന്റെ കുടിയേറ്റ ചരിത്രം ശില്പ്പങ്ങളായി ഒരുങ്ങുന്നു. കുടിയേറ്റ കര്ഷകര് അതിജീവിച്ച വന്യമൃഗ ശല്യവും പ്രകൃതിക്ഷോഭവും എല്ലാം ഓര്മപ്പെടുത്തലുകളായി ശില്പിയുടെ കരവിരുതില് തീരുമ്പോള് പ്രകൃതിയോട് ചേര്ന്ന് ജില്ലാ ടൂറിസം പ്രമോഷന് കൗണ്സില് നിര്മിച്ച ഈ മനോഹര ഉദ്യാനം വിനോദസഞ്ചാരികളുടെ പ്രിയപ്പെട്ട ഇടമായി മാറും.
െഹെറേഞ്ചിലെ കുടിയേറ്റ കാര്ഷിക ചരിത്രം ഉള്ക്കൊള്ളുന്ന എട്ടു പോയിന്റുകളാണ് ഇടുക്കി അണക്കെട്ടിനോട് ചേര്ന്നുള്ള കുന്നിന് ചെരുവില് ഒരുക്കിയിരിക്കുന്നത്. കുടിയേറ്റ കാലത്ത് വന്യമൃഗങ്ങളോട് പടപൊരുതിയ കര്ഷകരുടെ ജീവിതം വരച്ചുകാട്ടുന്ന ജീവന് തുടിക്കുന്ന ശില്പ്പങ്ങളാണ് രാജാക്കാട് സ്വദേശിയായിട്ടുള്ള ശില്പ്പി ജോമോന് ജോര്ജ് ഒരുക്കിയിരിക്കുന്നത്.
കുടിയേറ്റ കാലത്തിലെ വിദ്യാഭ്യാസവും ജീവിത പശ്ചാത്തലങ്ങളും വന്യ മൃഗങ്ങളോട് പടപൊരുതി ജീവിതം കരുപ്പിടിപ്പിച്ചതും, പ്രകൃതിദുരന്തങ്ങളും എല്ലാം ഓരോ പോയിന്റുകളിലും ജീവന് തുടിച്ചു നില്ക്കുന്നു. മണ്ണില് പണിയെടുത്ത് ചോര നീരാക്കിയ കുടിയേറ്റ കര്ഷകന്റെ തലയെടുപ്പുള്ള പ്രതിമയിലൂടെയാണ് ഈ മനോഹര ഉദ്യാനത്തിലേക്ക് ഉള്ള പ്രവേശനം.
കല്ലുപാകി മനോഹരമാക്കിയ വഴികളിലൂടെ നടന്നു നീങ്ങുമ്പോള് വിശ്രമ കേന്ദ്രങ്ങളും വഴികാട്ടിയായി സോളാര് െലെറ്റുകളും എല്ലാം ഒരുക്കിയിട്ടുണ്ട്. കാഴ്ചക്കാരില് ഇടുക്കിയുടെ ചരിത്രത്തിനൊപ്പം ജില്ലയില് കുടിയിരുത്തപ്പെട്ട കര്ഷകന്റെ അധ്വാനമെല്ലാം സുന്ദരശില്പങ്ങളായി ഈ കുന്നിന് ചെരുവില് വിരിഞ്ഞു നില്ക്കുന്നു. എട്ടു പോയിന്റുകളിലൂടെ കടന്നു ചെന്നാല് പഴമയുടെ ചരിത്രങ്ങള് പേറുന്ന മ്യൂസിയവും വിശ്രമകേന്ദ്രവും ഇവിടെ ഒരുക്കിയിട്ടുണ്ട്.
പ്രകൃതിയെ നോവിക്കാതെയും കുന്നിടിക്കാതെയും ഇടുക്കി ആര്ച്ച് ഡാമിന്റെ പശ്ചാത്തലത്തില് മൂന്നു കോടി രൂപ മുടക്കി ഡി.ടി.പി.സി ഒരുക്കിയിരിക്കുന്ന പാര്ക്ക് ഇടുക്കിയിലേക്ക് എത്തുന്ന വിനോദസഞ്ചാരികളുടെ പ്രധാന താവളമായി മാറും എന്നും ഉറപ്പ്. ഉടന്തന്നെ ഇതിന്റെ ഉദ്ഘാടനം നടത്തി ജനങ്ങള്ക്ക് തുറന്നു നല്കുമെന്ന് ഡി.ടി.പി.സി അധികൃതര് പറയുന്നു.
