മെട്രോ നഗരത്തില് കഴിയുമ്പോള് നമ്മള് അഭിമുഖീകരിക്കേണ്ടതായി വരുന്ന പ്രധാന പ്രശ്നമാണ് യാത്രാ പ്രതിസന്ധി. അത്തരം ഒരു പ്രതിസന്ധി നേരിടുമ്പോള് എന്ത് ചെയ്യണമെന്ന് നമ്മള് ആകുലരാകാറുണ്ട്. ഇപ്പോള് അത്തരമൊരു പ്രശ്നം നേരിട്ടപ്പോള് ഒരു ഇന്സ്റ്റഗ്രാം ഇന്ഫ്ലുവന്സര് ചെയ്ത കാര്യമാണ് സാമൂഹ്യ മാധ്യമങ്ങളില് വൈറല് ആകുന്നത്. സംഭവം നടന്നത് പൂനെയിലാണ്.എന്നാല് സാര്ത്ഥക് സച്ച്ദേവ എന്ന യുവാവിന്റെ ചെയ്തി കണ്ട് സകലരുംമൂക്കത്ത് വിരല് വച്ച് പോയ അവസ്ഥയാണ്.
സാര്ത്ഥക് പ്രയോഗിച്ചതാവട്ടെ ഒരു ലളിതമായ ഐഡിയയാണ്. യാത്രായ്ക്ക് ഒരു മാര്ഗവും ഇല്ലാതെ വന്നതോടെ അദ്ദേഹം അടുത്തുള്ള മാളായ റോയല് ഹെറിറ്റേജിലേക്ക് പോയി. അവിടെയെത്തി തന്റെ വീട്ടിലേക്ക് സൊമാറ്റോ വഴി മക്ഡൊണാള്ഡില് നിന്ന് കുറച്ച് ഭക്ഷണത്തിന് ഓര്ഡര് ചെയ്തു. ഓര്ഡര് ലഭിച്ചതോടെ സ്വാഭാവികമായി ഓര്ഡര് എടുക്കാനായി വന്നു. ഓര്ഡര് വാങ്ങി പോകുമ്പോള് സാര്ത്ഥക് അസാധാരണമായ ഒരു അഭ്യര്ത്ഥനയുമായി ഡെലിവറി ബോയിലെ സമീപിക്കുകയായിരുന്നു.താന് തന്നെയാണ് ഈ ഭക്ഷണം ഓര്ഡറാക്കിയതെന്നും തന്നെ കൂടി വീട്ടിലേക്ക് കൊണ്ട്പോകുമോയെന്നുമാണ് സാര്ത്ഥക് പറഞ്ഞത്. ശേഷം ഡെലിവറി ബോയി ഈ ആവശ്യം അംഖീകരിച്ചു.വീട്ടിലേക്കുള്ള ഇരുവരുടയും യാത്രയുടെ വീഡിയോ സാര്ത്ഥക് പകര്ത്തുകയും ചെയ്തു. സോഷ്യല് മീഡിയയില് ഇപ്പോള് ഈ വീഡിയോ വൈറലാണ്.
