ബിഗ്ബോസിലൂടെ മലയാള കുടുംബപ്രേക്ഷകര്ക്ക് സുപരിചിതരായ ഒരുപാട് താരങ്ങളുണ്ട്. അതിലൊരാളാണ് സീസണ് നാലില് മത്സരാര്ത്ഥിയായി എത്തി പ്രേക്ഷക പ്രിയം നേടിയ ആളാണ് റോബിൻ രാധാകൃഷ്ണൻ. റോബിനെപ്പോലെ തന്നെ മലയാളികള്ക്ക് സുപരിചിതയാണ് പ്രതിശ്രുത വധു ആരതി പൊടി. സോഷ്യല് മീഡിയയില് വളരെ സജീവമായ ഇവര് രണ്ടാളും പങ്കുവയ്ക്കുന്ന പല പോസ്റ്റുകളും ശ്രദ്ധിക്കപ്പെടാറുണ്ട്. ഇപ്പോഴിതാ റോബിന് പിറന്നാള് ആശംസകള് കുറിച്ച ആരതിയുടെ സോഷ്യല് മീഡിയ പോസ്റ്റാണ് ശ്രദ്ധിക്കപ്പെടുന്നത്. 33-ാം പിറന്നാള് ആഘോഷിക്കുന്ന റോബിന് ഇന്സ്റ്റഗ്രാമിലൂടെയാണ് ആരതി ആശംസകള് നേര്ന്നത്. ‘‘ഒരു വര്ഷം കൂടി ആരംഭിച്ചിരിക്കുന്നു, നിങ്ങള് എന്നത്തേക്കാളും ആകര്ഷകവും മനോഹരവുമായി മാറിയിരിക്കുന്നു. ജന്മദിനാശംസകള്, പ്രിയപ്പെട്ടവനെ. എന്റെ സന്തോഷത്തിന്റെ ഇടം...’’ എന്നാണ് റോബിനൊപ്പം പിറന്നാള് ആഘോഷിച്ചതിന്റെ ചിത്രങ്ങള് പങ്കുവെച്ചുകൊണ്ട് ആരതി കുറിച്ചത്.
ആരതിയുടെ ആശംസയ്ക്ക് താഴെ കമന്റുമായി റോബിനും എത്തി. ‘‘സര്പ്രൈസിന് നന്ദി ആരതി പൊടി. ഒരു ബാച്ചിലര് എന്ന നിലയില് എന്റെ അവസാനത്തെ ജന്മദിനമാണിത്. 33 വയസ്സ് തികഞ്ഞിരിക്കുന്നു...’’എന്നാണ് റോബിൻ കുറിച്ചത്.
റോബിനെ അഭിമുഖം ചെയ്യാന് വന്ന അവതാരകരില് ഒരാളായിരുന്നു ആരതി. അവിടെ നിന്ന് ഇരുവരുടെയും സൗഹൃദം തുടങ്ങി പിന്നീടത് പ്രണയത്തിലേക്ക് വഴി മാറി. അവിടെ നിന്നത് വിവാഹബന്ധത്തിലേക്ക് വരെയെത്തുന്നു. റോബിനെതിരെ ഒരുപാട് വിമര്ശനങ്ങളും ട്രോളുകളുമെല്ലാം വന്നപ്പോഴും വിവാദങ്ങളില് പെട്ടപ്പോഴും എല്ലാ പിന്തുണയുമായി ആരതി ഉണ്ടായിരുന്നു. ഏതാനും മാസങ്ങള്ക്ക് മുൻപാണ് ഇരുവരുടെയും വിവാഹ നിശ്ചയം കഴിഞ്ഞത്. ഈ വര്ഷം അവസാനം വിവാഹം ഉണ്ടാകുമെന്നാണ് വിവരം. നിരവധി പേരാണ് ആരതിയുടെ പോസ്റ്റിന് താഴെ റോബിന് ആശംസകളുമായി എത്തി. ‘ജീവിത യാത്രയില് നല്ലത് മാത്രം സംഭവിക്കട്ടെ, ആഗ്രഹങ്ങളും ലക്ഷ്യങ്ങളും സ്വപ്നങ്ങളുമെല്ലാം പൂവണിയട്ടെ’ എന്നതടക്കമാണ് കമന്റുകള്.
