ഒരു സിനിമയില് പോലും അഭിനയിച്ചിട്ടില്ലെങ്കിലും, ഒരു പൊതു ചടങ്ങില് പോലും താരപുത്രി എന്ന ലേബലില് വന്നിട്ടില്ല എങ്കിലും മഞ്ജു പിള്ളയുടെ മകള് ദയ സുജിത്തും സോഷ്യല് മീഡിയയില് ഒരു കുഞ്ഞു സെലിബ്രിറ്റി തന്നെയാണ്. സോഷ്യല് മീഡിയയില് താരപുത്രി പങ്കുവയ്ക്കുന്ന ഫോട്ടോകള് എല്ലാം വളരെ പെട്ടന്ന് പ്രേക്ഷക ശ്രദ്ധ നേടാറുണ്ട്. അത്തരത്തില് ഇതാ പുതിയ ഫോട്ടോകളുമായി എത്തിയിരിക്കുകയാണ് ദയ സുജിത്ത്.
ഇത്തവണ ബേര്ത്ത് ഡേ ആഘോഷത്തിന്റെ ചിത്രങ്ങളാണ് പങ്കുവച്ചിരിയ്ക്കുന്നത്. ഇരുപത്തിയൊന്നാം പിറന്നാള് ചെറിയ രീതിയില് ആഘോഷിച്ചതിന്റെ ചിത്രങ്ങള് ദയ ഇന്സ്റ്റഗ്രാമില് പങ്കുവച്ചു. ചുവപ്പ് നിറത്തിലുള്ള ഗൗണില് സുന്ദരിയായി നില്ക്കുന്ന ദയയെ ചിത്രങ്ങളില് കാണാം. വളരെ സിംപിള് ആന്റ് ബ്യൂട്ടിഫുള് ആയിരുന്നു സെലിബ്രേഷന് എന്നും ചിത്രങ്ങളിലൂടെ വ്യക്തം.
ബേര്ത്ത് ഡേ ആഘോഷത്തിനിടെ എടുത്ത ചിത്രങ്ങളില് ഒന്നില് നെഞ്ചില് പച്ചകുത്തിയ ഒരു ക്യാപ്ഷന് പ്രത്യേകം എടുത്ത് കാണിക്കുന്നുണ്ട്. ടാറ്റു ചെയ്യുന്നതിനോട് വലിയ താത്പര്യമുള്ള മഞ്ജു പിള്ളയുടെ മകള് വലതുകൈയ്യില് വിശാലമായ ഒരു ആര്ട്ട് പച്ച കുത്തിയിട്ടുണ്ട്. നെഞ്ചില് 'പീസ് ഓഫ് ആര്ട്ട്' എന്നാണ് എഴുതിയിരിയ്ക്കുന്നത്.
'എന്റെ ചെറിയ പിറന്നാള് പോസ്റ്റ്' എന്ന് പറഞ്ഞ് പങ്കുവച്ച ചിത്രങ്ങള്ക്ക് താഴെ അമ്മ മഞ്ജു പിള്ളയടക്കം സുഹൃത്തുക്കളും ആരാധകരും എല്ലാം പിറന്നാള് ആശംസകളുമായി എത്തിയിട്ടുണ്ട്. ദയയുടെ സൗന്ദര്യത്തെ പ്രശംസിച്ചുകൊണ്ടുള്ളതാണ് പല കമന്റുകളും. ചുംബിയ്ക്കുന്ന ഇമോജിയാണ് മഞ്ജു പിള്ളയുടെ കമന്റ്. ഇന്റര്നാഷണല് ലെവല് ഫോട്ടോഷൂട്ടുകള് ചെയ്യുന്നത് കൊണ്ട് ചിലര് 'ഇന്റര്നാഷണല് ബ്യൂട്ടി' എന്നാണ് കമന്റിട്ടിരിയ്ക്കുന്നത്.
