ഗാസ സിറ്റി; ശക്തമായ പോരാട്ടമാണ് ഇസ്രയേലിനെതിരെ നടക്കുന്നതെന്നുംഈ പോരാട്ടത്തില് ജീവത്യാഗത്തിന് തയ്യാറെന്നും ഹിസ്ബുള്ള തലവന് സയദ് ഹസന് നസ്റള്ള. ഇസ്രയലിനെതിരെ ഹമാസിന്റെ പോരാട്ടം പൂര്ണമായും പലസ്തീന് ജനതയ്ക്കുവേണ്ടിയാണെന്നും രഹസ്യ സ്വഭാവമാണ് അത് വിജയത്തിലെത്തിച്ചതെന്നും അദ്ദേഹം പറഞ്ഞു. ഹമാസിന്റെ തീരുമാനം വളരെ ശരിയും ധീരവുമായിരുന്നു. കൃത്യമായ സമയത്ത് അത് അവര് നടപ്പാക്കിയെന്നും സയദ് ഹസന് നസ്റുള്ള പറഞ്ഞു.
ഇസ്രയേല് ഹമാസ് യുദ്ധം ആരംഭിച്ചതിന് ശേഷം ആദ്യമായാണ് ഹിസ്ബുള്ള തലവന് പ്രതികരിക്കുന്നത്.അതേ സമയം ഇസ്രയേലിന് കൂടുതല് സൈനിക സഹായം പ്രഖ്യാപിച്ചിരിക്കുകയാണ് അമേരിക്ക. പാസാക്കിയിരിക്കുന്നത് 14.5 ബില്യണ് ഡോളര് സഹായമാണ്. അമേരിക്ക ഉള്ളപ്പോള് ഇസ്രേയല് ഒറ്റക്കാവില്ലെന്ന് യു എസ് സ്റ്റേറ്റ് സെക്രട്ടറി ആന്റണി ബ്ലിങ്കന് പറഞ്ഞു. ഒക്ടോബര് ഏഴിന് നടന്ന ആക്രമണത്തില് 220 വിദേശ പൗരന്മാര്ക്കൊപ്പം 33 അമേരിക്കകാരും കൊല്ലപ്പെട്ടു. ആ ദിനം ആവര്ത്തിക്കാതിരിക്കാന് കൂട്ടായ പ്രവര്ത്തനം നടത്തുമെന്നും ആന്റണി ബ്ലിങ്കന് പറഞ്ഞു. അദ്ദേഹം ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവുമായി കൂടിക്കാഴ്ച്ച നടത്തുകയും ചെയ്തു.അതേ സമയം ഗാസയില് മരണസംഖ്യ 9200 കടന്നു.9227 പേര് കൊല്ലപ്പെട്ടെന്ന് പലസ്തീന് ആരോഗ്യമന്ത്രാലയം അറിയിച്ചു. കൊല്ലപ്പെട്ടവരില് 3826 ക്കുട്ടികളും 2405 സ്ത്രീകളുമുണ്ട്. 32,500 പേര്ക്കാണ് പരിക്കേറ്റത്.
