പ്രശസ്ത ചിത്രകാരന് പാബ്ലോ പിക്കാസോയുടെ പെയിന്റിംഗ് ലേലത്തില് വിറ്റുപോയത് $139 മില്യണ്( ഏകദേശം 11,56,46,12,100.00 രൂപയ്ക്ക്). 1932 ലെ മാസ്റ്റര്പീസ് പെയിന്റിംഗായ ' വിമണ് വിത്ത് എ വാച്ച്' ആണ് ഇത്രയധികം തുകയ്ക്ക് വിറ്റുപോയത്.
ഈ വര്ഷം ലേലത്തില് വിറ്റ ഏറ്റവും വിലപിടിപ്പുള്ള സൃഷ്ടി കൂടിയാണിത്. ലേലശാലയായ സോഥെബിയുടെ അഭിപ്രായത്തില് പിക്കാസോ പെയിന്റിംഗിന് കിട്ടുന്ന രണ്ടാമത്തെ തുകയാണ് ഇത്. സ്പാനിഷ് കലാകാരനായ പിക്കാസോയുടെ കാമുകി കൂടിയായ ഫ്രഞ്ച് മോഡല് മേരി-തെരേസ് വാള്ട്ടറെയാണ് ഈ ചിത്രത്തില് അദ്ദേഹം വരച്ചിരിക്കുന്നത്. അവരെ വിഷയമാക്കി വേറെയും ചിത്രങ്ങള് പിക്കാസോ വരച്ചിട്ടുണ്ട്.
ഏകദേശം 120 മില്യണ് ഡോളര് മാത്രമേ ചിത്രത്തിന് ലേലത്തില് കിട്ടുകയുള്ളു എന്നാണ് വിചാരിച്ചിരുന്നത്. എന്നാല് തുക പ്രതീക്ഷിച്ചതിലും അപ്പുറം ഉയരുകയായിരുന്നു. ഈ പെയിന്റിംഗ് മുമ്പ്, ആര്ട്ട് കളക്ടര് എമിലി ഫിഷര് ലാന്ഡൗവിന്റെ ഉടമസ്ഥതയിലായിരുന്നു ഉണ്ടായിരുന്നത്. 1968 -ലാണ് അവരിത് വാങ്ങിയത്. ഇപ്പോള് വാങ്ങിയ ആളുടെ പേര് വിവരങ്ങള് പുറത്ത് വിട്ടിട്ടില്ല. സിംഹാസനം പോലെയുള്ള ഒരു കസേരയില് ഇരിക്കുന്ന വാള്ട്ടറുടെ ഛായാചിത്രമാണ് 'വുമണ് വിത്ത് എ വാച്ച്'.
