ആരാധകര്ക്കേറെ പ്രിയപ്പെട്ട താരമാണ് സുസ്മിത സെന്. മിസ് യൂണിവേഴ്സ് പട്ടം ചൂടി ഇന്ത്യയുടെ അഭിമാനമായി മാറിയ താരം കുറച്ചുകാലങ്ങളായി സിനിമാരംഗത്തുനിന്നും മാറി നില്ക്കുകയായിരുന്നു. അഭിനയ പ്രധാന്യമുളള വേഷങ്ങള് ലഭിക്കാത്ത സാഹചര്യത്തിലായിരുന്നു സുസ്മിതയുടെ ഈ തീരുമാനം. ഇതിനിടെ ദത്തെടുക്കലിലൂടെ അമ്മയാകാനും സുസ്മിത തയ്യാറായി.
24 ാം വയസിലാണ് സുസ്മിത സെന് ആദ്യത്തെ കുഞ്ഞിനെ ദത്തെടുക്കുന്നത്. റെനി എന്നാണ് മകളുടെ പേര്. അലിഷ എന്നാണ് താരം പിന്നീട് ദത്തെടുത്ത മകളുടെ പേര്. രണ്ട് പേര്ക്കുമായി തന്റെ ജീവിതത്തിന്റെ വലിയൊരു ഭാഗം തന്നെ മാറ്റി വെക്കാന് സുസ്മിത തയാറായി. ഇപ്പോഴിതാ സുസ്മിതയുടെ 48ാം പിറന്നാളിന് ഹൃദ്യമായ കുറിപ്പ് പങ്കുവെച്ചിരിക്കുകയാണ് മകള് റെനി സെന്.
ദൈവത്തിന്റെ ഏറ്റവും പ്രിയപ്പെട്ട കുഞ്ഞിന് പിറന്നാള് ആശംസകള്. നിങ്ങള് ദൈവത്തിന്റെ ഏറ്റവും നല്ല അനുഗ്രഹമാണ്. അലിഷയും ഞാനും അലിയയും നിങ്ങളെ അതിരുകളില്ലാതെ സ്നേഹിക്കുന്നു. ഞങ്ങളുടെ അമ്മയായതിന് നന്ദി.
കരുണയോടൊപ്പം അപാരമായ ധൈര്യം കാണിക്കാന് എന്നെ പഠിപ്പിച്ചതിന്, എന്തിനെങ്കിലും വേണ്ടി നിലകൊളളാനും എല്ലാത്തിലും വീഴാതാതിരിക്കാനും പഠിപ്പിച്ചതിന്, ഒപ്പം ജീവിതത്തില് കുറുക്കുവഴികളില്ലെന്നും സ്നേഹത്തോടെയും സ്ഥിരതയോടെയും സത്യസന്ധമായി പ്രവര്ത്തിക്കുക എന്നതാണ് വിജയത്തിലേക്കുളള ഏകവഴി എന്ന് കാണിച്ച് തന്നതിനും ഒരു അമ്മയുടെ സ്നേഹത്തെക്കാള് വലുതായി ഒന്നുമില്ല.
എല്ലാ ജന്മത്തിലും നിങ്ങളുടെ മകളായി ജനിക്കണം. നിങ്ങളുടെ ഹൃദയം ആഗ്രഹിക്കുന്നതെല്ലാം നല്കാന് ദൈവത്തോട് പ്രാര്ത്ഥിക്കുന്നു. 48 വസില് മറ്റാരെയും ഇത്രയും ഭംഗിയില് കണ്ടിട്ടില്ല എന്നും റെനി സെന് സോഷ്യല് മീഡിയയില് കുറിച്ചു.
ദത്തെടുക്കലിനെക്കുറിച്ചും മക്കള്ക്കൊപ്പമുളള ജീവിതത്തെക്കുറിച്ചും സുസ്മിത സംസാരിച്ചിട്ടുണ്ട്. മക്കളോട് രണ്ടുപേരോടും ദത്തെടുക്കലിനെക്കുറിച്ച് തുറന്ന് പറഞ്ഞിട്ടുണെണ്ടന്നും ഹൃദയത്തില് നിന്നും പിറന്നവരാണെന്നാണ് അവരെ പറഞ്ഞ് മനസിലാക്കിയതെന്നും താരം വ്യക്തമാക്കി.
അതേസമയം അഭിനയരംഗത്ത് വീണ്ടും സജീവമാവുകയാണ് സുസ്മിത സെന്. ആര്യ സീരീസിന്റെ മൂന്നാം സീസണാണ് സുസ്മിതയുടെ പുതിയ പ്രൊജക്ട്. അടുത്തിടെ പുറത്തിറങ്ങിയ സീസണിന് വളരെ മികച്ച പ്രതികരണമാണ് ലഭിക്കുന്നത്. ആര്യയുടെ ഒന്നാം സീസണിലൂടെയാണ് സുസ്മിത അഭിനയരംഗത്തേക്ക് മടങ്ങി വന്നത്.
