സിനിമാപ്രേക്ഷകര്ക്ക് മാത്രമല്ല കുടുംബപ്രേക്ഷകര്ക്കും ഏറെ സുപരിചിതയായ നടിയും മോഡലും അവതാരകയുമാണ് പാര്വതി ആര് കൃഷ്ണ. ടെലിവിഷന് സ്ക്രീനിലെ റിയാലിറ്റി ഷോകളില് അവതാരകയെന്ന പോലെ സോഷ്യല് മീഡിയയിലും സജീവമാണ് പാര്വ്വതി. എല്ലാ വിശേഷങ്ങളും ഫോട്ടോഷൂട്ടുകളും താരം അതിലൂടെ പങ്കിടാറുണ്ട്. ഇപ്പോഴിതാ മെറൂണ് ഡോട്ടഡ് ബ്രൈഡല് ലെഹങ്കയില് തിളങ്ങുന്ന ചിത്രങ്ങളാണ് താരം പങ്കിട്ടിരിക്കുന്നത്. ‘‘നിങ്ങളുടെ സ്വപ്നങ്ങൾ സാക്ഷാത്കരിക്കാനുള്ള ഏറ്റവും നല്ല മാർഗം ഉണരുക എന്നതാണ്...’’ എന്ന ക്യാപ്ഷനും നല്കിയാണ് താരം ചിത്രം പങ്കിട്ടിരിക്കുന്നത്. ഹെവി ഓര്ണമെന്റ്സും ക്ലാസ് മേക്കപ്പും ധരിച്ചാണ് പാര്വ്വതി ചിത്രങ്ങളില് തിളങ്ങുന്നത്.
ബാലതാരമായിട്ടാണ് സൂര്യനും സൂര്യകാന്തിയും എന്ന ടെലിഫിലിമിലൂടെ പാര്വതി കൃഷ്ണ അഭിനയരംഗത്ത് എത്തുന്നത്. പിന്നീട് മ്യൂസിക്ക് ആല്ബങ്ങളിലും താരം തിളങ്ങി. അതിനു ശേഷം ‘ഏയ്ഞ്ചല്സ്’ എന്ന ചിത്രത്തിലൂടെ ബിഗ് സ്ക്രീനിലുമെത്തി. ‘അമ്മമാനസം’, ‘ഈശ്വരൻ സാക്ഷി’, ‘രാത്രിമഴ’ തുടങ്ങിയ സീരിയലുകളിലൂടെ താരം പ്രേക്ഷകര്ക്ക് ഏറെ പ്രിയങ്കരിയായി. ഫഹദ് ഫാസില് ചിത്രം 'മാലിക്കി'ലെ പാര്വതിയുടെ വേഷവും ശ്രദ്ധ നേടിയിരുന്നു. മുഹ്സിന്റെ സംവിധാനത്തില് ഒരുങ്ങിയ ബേസില് ചിത്രം ‘കഠിന കഠോരമീ അണ്ഡകടാഹം’ ആണ് പാര്വതിയുടെ ഒടുവില് റിലീസ് ചെയ്ത ചിത്രം. പാര്വതിയ്ക്ക് ഒപ്പം മകൻ അച്ചുവും ഈ ചിത്രത്തില് അഭിനയിച്ചിട്ടുണ്ട്.
