ബോളിവുഡിന്റെ പ്രിയ താരമായി അന്നുമിന്നും തിളങ്ങി നില്ക്കുന്ന അഭിനേത്രിയാണ് ശില്പ്പ ഷെട്ടി കുന്ദ്ര. വിവാഹത്തോടെ അഭിനയത്തില് നിന്ന് ചെറിയ ഇടവേളയെടുത്തെങ്കിലും ലൈംലൈറ്റില് നിറഞ്ഞു നില്ക്കുന്ന താരം കൂടിയാണ് ശില്പ്പ. റിയാലിറ്റി ഷോ ജഡ്ജായും മറ്റും എപ്പോഴും ശില്പ്പ പ്രേക്ഷകര്ക്ക് മുന്നിലുണ്ട്. ഇപ്പോഴിതാ രാജ് കുന്ദ്രയുമായുള്ള വിവാഹം കഴിഞ്ഞിട്ട് 14 വര്ഷം പിന്നിടുന്ന സന്തോഷം പങ്കിടുകയാണ് ശില്പ്പ ഷെട്ടി. പ്രണയം തുളുമ്പുന്ന പോസ്റ്റുകള്ക്കൊപ്പമാണ് വിയാൻ, സമിഷ എന്നീ രണ്ട് കുട്ടികളുടെ മാതാപിതാക്കളായ ഇവര് വിവാഹവാര്ഷികം ആസ്വദിക്കുന്നത്. 14-ാം വിവാഹ വാർഷികം ആഘോഷിക്കുമ്പോള് രാജിനൊപ്പമുള്ള കുറെ ചിത്രങ്ങള് ചേര്ത്ത് ഒരു കൊളാഷ് വീഡിയോ ശില്പ്പ പങ്കിട്ടിട്ടുണ്ട്. രാജിനൊപ്പമുള്ള സമീപകാല ഫോട്ടോകളുടെ ഒരു റീലിനൊപ്പം ലതാ മങ്കേഷ്കറിന്റെ ‘തേരേ ബിനാ ജിയാ ജായേ നാ’ എന്ന ഗാനം ബാക്ക്ഗ്രൗണ്ടായി നല്കിയിട്ടുണ്ട്. ‘‘14 വർഷം ...പ്രണയം... നീ, എന്റെ കുക്കി ...’’ എന്നാണ് ശില്പ്പ ക്യാപ്ഷനായി കുറിച്ചിരിക്കുന്നത്.
രാജ് കുന്ദ്രയും വിവാഹവാര്ഷികത്തിന്റെ ഒരു ഇൻസ്റ്റാഗ്രാം റീല് പോസ്റ്റ് ചെയ്തിട്ടുണ്ട്. വിവാഹത്തിന്റെയന്നു മുതലുള്ള ചിത്രങ്ങളില് തുടങ്ങി സമീപകാലത്തെ ചിത്രങ്ങള് വരെ അതിലുണ്ട്. വീഡിയോയ്ക്കൊപ്പം വിവാഹം കഴിഞ്ഞിട്ട് എത്ര ദിവസങ്ങളായും താരം കുറിക്കുന്നുണ്ട്. ‘‘14 വർഷങ്ങള്, 168 മാസങ്ങൾ, 730 ആഴ്ചകൾ, 5113 ദിവസം, 122712 മണിക്കൂർ...ജസ്റ്റ് മാര്യേഡ്...14 വർഷം മുമ്പ്....’’ എന്നാണ് രാജ് കുറിച്ചിരിക്കുന്നത്.
വലിയൊരു ഇടവേളയ്ക്കു ശേഷം നിക്കമ്മ എന്ന സിനിമയിലൂടെ ശില്പ്പ വെള്ളിത്തിരയിലേക്ക് എത്തിയിരുന്നു. രോഹിത് ഷെട്ടിയുടെ ‘ഇന്ത്യൻ പോലീസ് ഫോഴ്സ്’ എന്ന പരമ്പരയിലൂടെ ശില്പ്പ ഷെട്ടി തന്റെ വെബ് അരങ്ങേറ്റം നടത്തിയിരുന്നു. UT69 എന്ന ചിത്രത്തിലൂടെ രാജ് കുന്ദ്രയും വെള്ളിത്തിരയില് അരങ്ങേറ്റം കുറിക്കുകയാണ്. ജയിൽവാസത്തെ ചുറ്റിപ്പറ്റിയുള്ള ചിത്രത്തിൽ രാജ് തന്നെയാണ് നായകന്.
