പ്രേക്ഷകര്ക്ക് ഏറെ പരിചിതരാണ് ലക്ഷ്മി നായരും കുടുംബവും. ദൂരദര്ശനില് ഒരുവര്ഷത്തോളം വാര്ത്ത അവതാരകയായി നിറഞ്ഞു നിന്ന ലക്ഷ്മി വിവാഹത്തോടെയായാണ് ബ്രേക്കെടുത്തത്. ഇപ്പോഴും അവതരണ രംഗത്ത് സജീവമായ ലക്ഷ്മിയ്ക്ക് സ്വന്തമായി യൂട്യൂബ് ചാനലുമുണ്ട്.
ഇപ്പോഴിതാ, മകന് വിഷ്ണുവിന് പിറന്നാള് ആശംസകള് നേരുകയാണ് ലക്ഷ്മി നായര്. 'എത്ര ജന്മദിനങ്ങള് കടന്നു പോയാലും നീ എന്റെ ചെല്ലക്കുട്ടി തന്നെയാണ്' എന്നായിരുന്നു ലക്ഷ്മി മകനൊപ്പമുള്ള ചിത്രത്തോടൊപ്പം കുറിച്ചത്.
വിഷ്ണുവിന്റെ ഭാര്യ അനുരാധയെന്ന അനുക്കുട്ടിയും പിറന്നാള് ആശംസകള് അറിയിച്ചിരുന്നു. 'എന്റെ അമേസിംഗ് ആയ ഭര്ത്താവ്, നമ്മുടെ സുന്ദരിയായ മോളുടെ നല്ല അടിപൊളി അച്ഛന് ഹാപ്പി ബര്ത്ത് ഡേ ഡിയര്! ഞങ്ങള് എല്ലാവരും നിങ്ങളെ ഒരുപാട് സ്നേഹിക്കുന്നു, ജീവിതത്തില് നിങ്ങള് ആഗ്രഹിക്കുന്നതെല്ലാം നിങ്ങള് നേടിയെടുക്കുമെന്ന് ഞാന് പ്രതീക്ഷിക്കുന്നു, കാരണം അതെല്ലാം നേടാന് നിങ്ങള് അര്ഹനാണ്. നമുക്ക് ഈ സോഷ്യല് മീഡിയയിലൂടെ ഇങ്ങനെ പരസ്പരം സംസാരിക്കേണ്ട ആവശ്യമില്ലെന്ന് എനിക്കറിയാം, പക്ഷേ ഇന്ന് ഞാന് അത് തിരുത്തുന്നു. എല്ലാ ദിവസവും, പ്രകാശം നിറയ്ക്കുന്നതിനും, ജീവിതം മനോഹരം ആക്കുന്നതിനും ഒരുപാട് നന്ദി,' അനുരാധ കുറിച്ചു.
2018 ലായിരുന്നു വിഷ്ണു- അനുരാധ വിവാഹം നടക്കുന്നത്. അത്യന്തം ആര്ഭാടപൂര്വം നടന്ന വിവാഹച്ചടങ്ങില് സാമൂഹിക- സാംസ്കാരിക രംഗത്തെ നിരവധി പ്രമുഖരാണ് പങ്കെടുത്തത്. വിഷ്ണുവും അനുവും ജീവിതത്തില് പ്രണയിച്ചുവിവാഹിതരായവര് ആണ്. ഇരുകൈയ്യും നീട്ടിയാണ് ഇവരുടെ ബന്ധത്തെ ലക്ഷ്മി നായരും കുടുംബവും അംഗീകരിച്ചത്.
