ടെലിവിഷന് പരമ്പരകളിലൂടെയും നൃത്ത റിയാലിറ്റി ഷോയിലൂടെയും പ്രേക്ഷകര്ക്ക് മുന്നിലെത്തിയ താരമാണ് ദില്ഷ പ്രസന്നന്. പിന്നീട് ദില്ഷയെ പ്രേക്ഷകര് കൂടുതലറിഞ്ഞത് ബിഗ് ബോസ് മലയാളത്തിലൂടെയാണ്. ബിഗ് ബോസ് മലയാളം സീസണ് ഫോറിലൂടെ ആദ്യ ഫീമെയില് വിന്നറായി ദില്ഷ മാറി. സോഷ്യല് മീഡിയയിലും നിറഞ്ഞു നില്ക്കുന്ന താരമാണ് ദില്ഷ. എപ്പോഴും ആഴത്തിലുള്ള വ്യത്യസ്തമായ ഫോട്ടോഷൂട്ടുകളാണ് താരം പങ്കുവയ്ക്കാറുള്ളത്. ഇപ്പോഴിതാ പുതിയ ഫോട്ടോഷൂട്ടിലൂടെ വിസ്മയിപ്പിക്കുകയാണ് ദില്ഷ. നീണ്ട പിന്നിയിട്ട മുടിയും അയഞ്ഞ വസ്ത്രങ്ങളുമായി ഒരു കശ്മീര് പെണ്കൊടിയായിട്ടാണ് താരം ചിത്രങ്ങളില് തിളങ്ങുന്നത്. വൻമരത്തിന് കീഴെ കുതിരയെ നിര്ത്തി വിശ്രമിക്കുന്ന ചിത്രങ്ങളും, വികാരാധീനയായി കുതിരപ്പുറത്ത് യാത്ര ചെയ്യുന്ന ചിത്രങ്ങളും കുതിരയ്ക്കൊപ്പം ഓടുന്ന ബ്ലാക്ക് ആന്ഡ് വൈറ്റ് ചിത്രങ്ങളുമടക്കം നിരവധി ചിത്രങ്ങള് താരം പങ്കിട്ടിട്ടുണ്ട്. ‘‘കാശ്മീർ - ലോകത്തിലെ ആദ്യത്തെ വിജ്ഞാന കേന്ദ്രം! നാടകത്തിന് പിന്നിലെ ശാസ്ത്രം, അഞ്ചാം വേദം എന്നറിയപ്പെടുന്ന നാട്യശാസ്ത്രം, കശ്മീരിൽ ഭരത് മുനി എഴുതിയതാണ്. (കടപ്പാട് : ദ കാശ്മീര് ഫയല്സ് )...മഞ്ഞുമൂടിയ ഗാംഭീര്യമുള്ള ഭീമാകാരന്മാരുടെ ഈ മോഹിപ്പിക്കുന്ന മണ്ഡലവും പറുദീസയുടെ പൂത്തുലഞ്ഞ സൗന്ദര്യവും നിങ്ങളുടെ ഉള്ളിന്റെ ആഴങ്ങളിലേക്ക് ഒരു പാതയൊരുക്കാനുള്ള ശക്തി ഉൾക്കൊള്ളുന്നു...’’ എന്ന ക്യാപ്ഷനും നല്കിയാണ് താരം ചിത്രം പങ്കിട്ടിരിക്കുന്നത്.
അപ്രതീക്ഷിതമായി ബിഗ് ബോസ് വിന്നറായ ദില്ഷയ്ക്ക് അതിനു ശേഷം നിരവധി സൈബര് അറ്റാക്കുകളും ഏല്ക്കേണ്ടി വന്നിട്ടുണ്ട്. അനൂപ് മേനോന് സ്റ്റോറീസ് അവതരിപ്പിക്കുന്ന ‘ഓ സിന്ഡ്രല്ല’ എന്ന ചിത്രത്തിലൂടെ ബിഗ് സ്ക്രീനിലും തന്റെ കഴിവ് പ്രകടിപ്പിക്കാനൊരുങ്ങുകയാണ് താരം. സിനിമയിലെ പാട്ടുകളും ടീസറുകളുമൊക്കെ സോഷ്യല് മീഡിയയിലൂടെ ഹിറ്റായതാണ്.
