ജോധ്പൂര്: അയോദ്ധ്യയിലെ രാമക്ഷേത്രത്തില് പ്രതിഷ്ഠാ ദിനത്തില് നല്ല ശുദ്ധമായ നെയ് കൊണ്ടുവരുന്നത് ജോധ്പൂരില് നിന്നും. അടുത്ത വര്ഷം ആദ്യം നടക്കാനിരിക്കുന്ന വിശിഷ്ടാവസരത്തിന് വേണ്ടി 600 കിലോ നെയ്യാണ് അയയ്ക്കുന്നത്. പ്രത്യേകമായി തയ്യാറാക്കിയ 11 രഥങ്ങളിലായി 108 ചെറു കുംഭങ്ങളിലായിട്ടാണ് കൊണ്ടുവരിക. ശ്രീ;ശ മഹാരിഷ് സന്ദീപനി രാം ധര്മ്മ ഗോശാലയില് നിന്നുമാണ് കൊണ്ടുവരുന്നത്.
മതപരമായ ചടങ്ങുകളുടെ അടിസ്ഥാനത്തിലാകും നെയ്യ് തയ്യാറാക്കുകയെന്ന് ഗോശാലയുടെ തലവന് സന്ദീപനി മഹാരാജ് പറയുന്നു. ഗോശാലയിലേക്ക് ഇതിനായുള്ള രഥം അയച്ചിരിക്കുകയാണ്. കഴിഞ്ഞ ആറു മാസമായി ഗോശാലയില് രഥം തയ്യാറാക്കല് ജോലിയും നടന്നിരുന്നു. ഓരോ രഥത്തിനും 3.5 ലക്ഷമാണ് ചെലവ്. ഇതിലാണ് 108 കലശങ്ങള് വെച്ചിരിക്കുന്നത്. അതിലാണ് നെയ് കൊണ്ടുപോകുക. ആദ്യം ഒറ്റ രഥത്തില് കൊണ്ടുവരാനായിരുന്നു തീരുമാനം എന്നാല് പിന്നീട് മാറ്റുകയായിരുന്നു. ഈ രഥങ്ങളില് 97 സിംബോളിക് രഥങ്ങളും ഉണ്ടാകും.
