കൊല്ലത്ത് ആറ് വയസുകാരിയെ തട്ടികൊണ്ടുപോയ കേസില് തെങ്കാശിയില് നിന്ന് കസ്റ്റഡിയിലെടുത്ത മൂന്ന് പേരുടെ ചിത്രങ്ങളും കുട്ടിയെ കാണിച്ചു. എന്നാല് കസ്റ്റഡിയിലെടുത്തവരെ കുട്ടിക്ക് തിരിച്ചറിയാന് സാധിച്ചില്ല. പൂയപ്പള്ളി പോലീസിന് അന്വേഷണ സംഘം അയച്ചുകൊടുത്ത ചിത്രമാണ് പോലീസ് കുട്ടിയെ കാണിച്ചുകൊടുത്തത്. അതേ സമയം താന് ഇവരെ കണ്ടിട്ടില്ലെന്നായിരുന്നു കുട്ടിയുടെ മറുപടി. തെങ്കാശിയില് നിന്ന് കസ്റ്റഡിയിലെടുത്ത പ്രതികളുമായി പോലീസ് കേരളത്തിലേക്ക് തിരിച്ചു. ആറു വയസുകാരിയുടെ വീട്ടിലെത്തിയാണ് അന്വേഷണ ഉദ്യോഗസ്ഥര് കുട്ടിയെ ഫോട്ടോ കാണിച്ചുകൊടുത്തത്.
തമിഴ്നാട്ടിലെ തെങ്കാശിക്ക് സമീപം പുളിയറയില് നിന്നാണ് മൂന്ന് പ്രതികള് പിടിയിലായത്. പോലീസ് അന്വേഷണം ഊര്ജിതമാക്കിയതിനിടെ പ്രതികള് കേരള അതിര്ത്തി കടന്ന് രക്ഷപ്പെടാന് ശ്രമിച്ചതായാണ് വിവരം. കേരള-തമിഴ്നാട് അതിര്ത്തിയോട് ചേര്ന്നുള്ള ഈ സ്ഥലത്തുനിന്നാണ് മൂന്നു പ്രതികളെയും പിടികൂടിയത്. തട്ടിക്കൊണ്ടുപോകല് കേസിലെ മുഖ്യസൂത്രധാരനും പിടിയിലായവരിലുണ്ടെന്നാണ് പോലീസ് നല്കുന്ന വിവരം.
കൊല്ലത്ത് എത്തിച്ച് ഇവരെ വിശദമായി പോലീസ് ചോദ്യം ചെയ്തതേക്കും. കസ്റ്റഡയില് എടുത്തവരില് ഒരു സ്ത്രീയും മൂന്നു പുരുഷന്മാരുമാണ് ഉള്ളത്. ചാത്തന്നൂര് സ്വദേശികളായ ഇവര് മൂന്നുപേരും ഒരു കുടുംബത്തിലെ അംഗങ്ങളാണ് എന്നാണ് സൂചന. ഭാര്യയും , ഭര്ത്താവും, മകനുമാണ് പുളിയറയില് നിന്ന് പിടിയിലായത് എന്നാണ് സൂചന. പോലീസ് പറയുന്നതനുസരിച്ച് അച്ഛനുമായുള്ള സാമ്പത്തിക തര്ക്കമാണ് ആറ് വയസ്സുകാരിയെ തട്ടിക്കൊണ്ടുപോകുന്നതിനുള്ള കാരണമെന്നാണ്.
കേസുമായി നേരിട്ട് ബന്ധമുള്ള 3 പേരാണ് കസ്റ്റഡിയിലായിരിക്കുന്നതെന്നാണ് പോലീസ് പറയുന്നത്. കസ്റ്റഡിയിലെടുത്തുവരുടെ കൂടുതല് വിവരങ്ങള് പോലീസ് പുറത്തുവിട്ടിട്ടില്ല. കേരള-തമിഴ്നാട് അതിര്ത്തിയോട് ചേര്ന്നുള്ള സ്ഥലമാണ് പുളിയറ. കഴിഞ്ഞ ദിവസങ്ങളിലായി പോലീസ് നടത്തിയ അന്വേഷണത്തിന് പിന്നാലെയാണ് ഇപ്പോള് മൂന്നുപേരെ കസ്റ്റഡിയിലെടുത്തുകൊണ്ട് പോലീസ് നിര്ണായക നീക്കം നടത്തിയിരിക്കുന്നത്. മൂന്നുപേരെ കൂടാതെ തട്ടിക്കൊണ്ടുപോകലിന് പിന്നില് കൂടുതല് പേരുണ്ടോയെന്ന കാര്യങ്ങള് ഉള്പ്പെടെ പുറത്തുവരേണ്ടതുണ്ട്.
