മുംബൈ; രണ്ട് സ്ത്രീകളുള്പ്പെടെ അമ്മയുടെ മൂന്ന് സുഹൃത്തുക്കള് പ്രായപൂര്ത്തിയാകാത്ത മലയാളി പെണ്കുട്ടിയെ ലൈംഗികമായി പീഡിപ്പിച്ചതായി പരാതി രണ്ട വര്ഷം മുമ്പാണ് സംഭവം.
പെണ്കുട്ടിയുടെ അമ്മ മുംബൈയിലെ സ്വകാര്യ ആശുപത്രിയിലെ നേഴ്സാണ്. അമ്മ ജോലിക്കായി പോയ രാത്രികളിലായിരുന്നു പെണ്കുട്ടിയെ പീഡനത്തിനിരയാക്കിയത്. 2021 ല് നാല് തവണ പീഡിപ്പിച്ചതായി പരാതിയില് പറയുന്നു. മുംബൈയിലെ വീട്ടില് കുറച്ച് ദിവസം അമ്മയുടെ മൂന്ന് സുഹൃത്തുക്കള് താമസിച്ചിരുന്നു. സ്ത്രീകള് മദ്യം കലര്ത്തിയ പാനീയം പെണ്കുട്ടിയ്ക്ക് നല്കി ലൈംഗികമായി പീഡിപ്പിച്ചതായും പുരുഷ സുഹൃത്തിനെ പീഡിപ്പിക്കാന് അനുവദിച്ചതായുമാണ് ആരോപണം.
പെണ്കുട്ടിക്ക് മാനസിക പ്രശ്നങ്ങള് നേരിട്ടതിനെ തുടര്ന്ന് കേരളത്തില് നടത്തിയ കൗണ്സലിങ്ങ് ചികിത്സയ്ക്കിടെയാണ് ഈ ദുരാനുഭവം പെണ്കുട്ടി വെളിപ്പെടുത്തിയത്. ഇതിന് പിന്നാലെ കൗണ്സില് ഈ വിവരം ചൈല്ഡ് ലൈനിനെ അറിയിക്കുകയും പോലീസില് പരാതി നല്കുകയുമായിരുന്നു.
കേരളാ പോലീസിനാണ് പരാതി നല്കിയത് കേസ് പിന്നീട് മുംബൈ പോലീസിന് കൈമാറുകയായിരുന്നു. പരാതിപ്പെട്ടാല് അമ്മയെ കൊല്ലുമെന്നും മദ്യപിക്കുന്നതിന്റെയും നഗ്നത കാണിക്കുന്നതിന്െരയും വീഡിയോകള് പ്രദര്ശിപ്പിക്കുമെന്നും ഭീഷണിപ്പെടുത്തിയതായും പരാതിയില് പറയുന്നു.
