ന്യൂഡല്ഹി: ചോദ്യത്തിനു കോഴ വാങ്ങിയെന്ന ആരോപണത്തില് തന്നെ ലോക്സഭയില് നിന്നും പുറത്താക്കിയ എത്തിക്സ് കമ്മറ്റി നടപടിക്കെതിരേ തൃണമൂല് കോണ്ഗ്രസ് എംപി മഹുവാ മോയ്ത്ര സുപ്രീകോടതിയെ സമീപിച്ചു. കഴിഞ്ഞ ദിവസമായിരുന്നു തൃണമൂല് എംപി യെ പാര്ലമെന്റ് സമിതി പുറത്താക്കിയത്. പാര്ലമെന്ററികാര്യ മന്ത്രി പ്രഹ്ലാദ് ജോഷി അവതരിപ്പിച്ച പ്രമേയം ശബ്ദവോട്ടോടെ പാസാക്കുകയായിരുന്നു.
മഹുവയെ പുറത്താക്കണമെന്നു പരാതി അന്വേഷിച്ച പാര്ലമെന്റ് എത്തിക്സ് കമ്മിറ്റി ശിപാര്ശയുടെ അടിസ്ഥാനത്തില് നടന്ന വോട്ടെടുപ്പിന് പിന്നാലെയാണ് നടപടി. വോട്ടെടുപ്പ് ബഹിഷ്കരിച്ച് പ്രതിപക്ഷം സഭയില് നിന്നിറങ്ങിപ്പോയി. മഹുവയ്ക്ക് പാര്ലമെന്റില് പ്രതികരിക്കാന് അവസരം നല്കണമെന്ന തൃണമൂല് കോണ്ഗ്രസിന്റെ ആവശ്യം സ്പീക്കര് ഓം ബിര്ള അംഗീകരിച്ചില്ല. എത്തിക്സ് കമ്മിറ്റി റിപ്പോര്ട്ട് പഠിക്കാന് സമയം അനുവദിക്കണമെന്ന കോണ്ഗ്രസ് അടക്കമുള്ള പ്രതിപക്ഷകക്ഷികളുടെ ആവശ്യവും സ്പീക്കര് തള്ളി.
പശ്ചിമ ബംഗാളിലെ കൃഷ്ണനഗറില്നിന്നുള്ള പാര്ലമെന്റ് അംഗമാണ് മഹുവ. ലോക്സഭയില് ചോദ്യം ചോദിക്കുന്നതിന് വ്യവസായി ദര്ശന് ഹിരാനന്ദാനിയില്നിന്ന് മഹുവ െകെക്കൂലി വാങ്ങിയെന്നാണ് മഹുവയ്ക്ക് എതിരേ ഉയര്ന്ന ആരോപണം. ഗൗതം അദാനിക്കും അദാനി ഗ്രൂപ്പിനുമെതിരായ ചോദ്യങ്ങള് ചോദിക്കാന് വ്യവസായി ദര്ശന് ഹിരാനന്ദാനിയില് നിന്ന് 2 കോടി രൂപ പണവും ആഡംബര സമ്മാന വസ്തുക്കളും ഉള്പ്പെടെ കൈക്കൂലി വാങ്ങിയെന്നാരോപിച്ചാണ് 49 കാരിയായ മിസ് മൊയ്ത്രയ്ക്കെതിരെ കേസെടുത്തത്.
മഹുവ തന്റെ പാര്ലമെന്റ് ലോഗിന് ഹിരാനന്ദാനിക്കു െകെമാറിയിരുന്നെന്നും ഇതു വഴി ഹിരാനന്ദാനിയാണു ചോദ്യങ്ങള് നല്കിയിരുന്നതെന്നും ആരോപണമുയര്ന്നു. പാര്ലമെന്ററി വെബ്സൈറ്റിലെ ഒരു രഹസ്യ അക്കൗണ്ടിലേക്ക് ലോഗ്-ഇന് ക്രെഡന്ഷ്യലുകള് സറണ്ടര് ചെയ്തതായും അവര് ആരോപിക്കപ്പെട്ടു, അതിനാല് മിസ്റ്റര് ഹിരാനന്ദനിക്ക് നേരിട്ട് ചോദ്യങ്ങള് പോസ്റ്റ് ചെയ്യാന് കഴിയും. സര്ക്കാരിന്റെ കടുത്ത വിമര്ശകയായ മിസ് മൊയ്ത്ര കൈക്കൂലി ആരോപണങ്ങള് നിഷേധിച്ചെങ്കിലും ലോഗിന് വിശദാംശങ്ങള് പങ്കിട്ടതായി സമ്മതിച്ചു.
എന്നാല്, പണമോ ഉപഹാരങ്ങളോ കൈപ്പറ്റിയതിനു യാതൊരു തെളിവുമില്ലെന്നാണു മഹുവയുടെ വാദം. '' ലോഗിന് പങ്കുവച്ചെന്ന പരാതിയുടെ അടിസ്ഥാനത്തില് മാത്രമാണ് എത്തിക്സ് കമ്മിറ്റി പുറത്താക്കാന് ശിപാര്ശ ചെയ്തത്. ഇതു സംബന്ധിച്ചു നിയമം നിലവിലില്ല. എത്തിക്സ് കമ്മിറ്റി എല്ലാ ചട്ടങ്ങളും ലംഘിച്ചു. നാളെ സി.ബി.ഐയെ എന്റെ വീട്ടിലേക്ക് അയയ്ക്കും.''-പാര്ലമെന്റിനു പുറത്ത് മഹുവ പറഞ്ഞിരുന്നു.
