ബാലേട്ടന് എന്ന പേരു കേള്ക്കുമ്പോള് പ്രേക്ഷകര്ക്ക് ആദ്യം ഓര്മ്മവരുന്നത് മോഹന്ലാലിനെയാണ്. ആ സിനിമ മാത്രമല്ല അതിലെ ഓരോ രംഗങ്ങളും ഗാനങ്ങളുമെല്ലാം പ്രേക്ഷകര് ഇന്നും ഏറ്റെടുക്കുന്നതാണ്. എക്കാലത്തെയും ഹിറ്റ് ചിത്രമായ ബാലേട്ടൻ പരാജയങ്ങളില് നിന്നുള്ള മോഹൻലാല് തിരിച്ചു വരവ് കൂടിയായിരുന്നു. കേന്ദ്രകഥാപാത്രമായ ബാലേട്ടനായി മോഹന്ലാല് എത്തിയപ്പോള് പ്രേക്ഷകരത് ഇരുകൈയും നീട്ടി സ്വീകരിച്ചു. ആ സിനിമയില് മോഹന്ലാലിന്റെ സന്തസഹചാരികളില് ഒരാളായി ഹരിശ്രീ അശോകനും എത്തുന്നുണ്ട്. ഇപ്പോഴിതാ വര്ഷങ്ങള്ക്കിപ്പുറും ആ സിനിമയിലെ നിര്ണായകമായ ഒരു രംഗത്തിന്റെ വിശേഷങ്ങള് ഹരിശ്രീ അശോകൻ വെളിപ്പെടുത്തിയതിന്റെ വീഡിയോ സോഷ്യല് മീഡിയയിലൂടെ വൈറലാകുകയാണ്.
ബാലേട്ടാ ബാലേട്ടാ എന്ന ഗാന രംഗത്തില് പ്രധാനമായും മോഹൻലാലും ഹരിശ്രീ അശോകനുമാണുള്ളത്. നാട്ടുകാര്ക്ക് പരോപകാരിയായി ബാലേട്ടനെ തേടി ചിത്രത്തിലെ സുഹൃത്തിന്റെ വേഷം അവതരിപ്പിച്ച ഹരിശ്രീ അശോകൻ എത്തുമ്പോള് അത് കണ്ട് ഭയന്ന ബാലേട്ടൻ അയാള് തന്ന പണം തിരിച്ച് മേടിക്കാനാണോ എന്ന് വിചാരിച്ച് അവിടെ നിന്ന് മാറാൻ ശ്രമിക്കുന്നതാണ് രംഗം. ‘‘ഷോട്ട് എടുക്കുന്നതിന് മുമ്പ് ലാലേട്ടൻ പറഞ്ഞത് അശോകാ ഇവിടെ ചെളിയുണ്ട് സൂക്ഷിക്കണം എന്നായിരുന്നു. ഞങ്ങള് ഓടി അവിടെയെത്തിയപ്പോള് ഞാനവിടെ പക്ഷേ കാല് തെറ്റി വീണു. ഞാൻ വീണപ്പോള് ലാലേട്ടനും ഓടിയെത്തി. ഞാൻ വിചാരിച്ചു ലാലേട്ടനെത്തിയത് പിടിച്ച് എന്നെ എഴുന്നേല്പ്പിക്കാനായിരിക്കും എന്ന്. പക്ഷേ അവിടേക്കെത്തിയ ലാലേട്ടന് പറഞ്ഞത് ഇങ്ങനെ ഒരു ഷോട്ട് എടുത്തോയെന്നാണ്. കിടക്കുകയല്ലേ, ബാലേട്ടനെ കണ്ടോ എന്ന് ചോദിക്കാനും ആവശ്യപ്പെട്ടു എന്നോട്. അത് സംവിധായകനും അത് ഒകെ പറഞ്ഞു...’’ സിനിമയുടെ ചിത്രീകരണത്തിനിടയിലെ തമാശ ഹരിശ്രീ അശോകന് വെളിപ്പെടുത്തിയത് ഇങ്ങനെയാണ്.
2003 ല് റിലീസ് ചെയ്ത ബാലേട്ടന് വി എം വിനു സംവിധാനം ചെയ്ത ടി ഷാഹിദ് തിരക്കഥ രചിച്ചതാണ്. ബാലേട്ടനില് മോഹന്ലാലിന്റെ നായികയായി ദേവയാനിയാണ് അഭിനയിച്ചത്. നെടുമുടി വേണു, സുധ, സുദീഷ്, ലക്ഷണ, റിയാസ് ഖാൻ, ജഗതി ശ്രീകുമാര്, ഗോപിക അനില്, കീര്ത്തന അനില് എന്നിവരും അതിലെ മറ്റ് പ്രധാന കഥാപാത്രങ്ങളായി. ലാണ് ബാലേട്ടൻ പ്രദര്ശനത്തിനെത്തിയത്.
#Mohanlal #harisreeashokan #MalaikkottaiVaaliban pic.twitter.com/BrF2awaMqM
— Sanju Rajendran 𝕏 (@Sanjuverse) December 9, 2023
