ആര്ച്ചി എന്ന ലോകപ്രശ്തമായ കോമിക്ക് ബുക്കിനെ ആസ്പദമാക്കി സോയ അക്തർ സംവിധാനം ചെയ്യുന്ന സിനിമയാണ് 'ദ ആർചീസ്'. ബോളിവുഡിലെ സ്റ്റാർ കിഡ്സുകളാണ് ഈ വെബ് സീരീസിലൂടെ അരങ്ങേറ്റം കുറിക്കുന്നത്. ഷാരൂഖ് ഖാന് മകള് സുഹാന ഖാൻ, ശ്രീദേവിയുടെയും ബോണി കപൂറിന്റെയും മകള് ഖുശി കപൂര്, അമിതാഭ് ബച്ചന്റെയും, ജയ ബച്ചന്റെയും പേരക്കുട്ടി അഗസ്ത്യ നന്ദ ഇവരൊക്കെയാണ് ഇതിലെ പ്രധാന കഥാപാത്രങ്ങള്. ഷാരൂഖ് ഖാന്റെ മകള് സുഹാന ഖാനാണ് ചിത്രത്തില് മറ്റൊരു പ്രധാനകഥാപാത്രത്തെ അവതരിപ്പിച്ചിരിക്കുന്നത്. വെറോനിക്ക എന്ന കഥാപാത്രമായി സുഹാനയും ബെറ്റിയായി ഖുശിയും വേഷമിട്ടിരിക്കുന്നു. ആര്ച്ചിയെ അവതരിപ്പിക്കുന്നത് അഗസ്ത്യയാണ്. മിക്ക സെലിബ്രിറ്റികളും സിനിമയെ പ്രശംസിച്ചു കമന്റുകൾ ഇടുന്നുണ്ട്. എന്നാൽ ഈ വെബ് സീരിസിലെ അഭിനേതാക്കളായ അമിതാഭ് ബച്ചന്റെ പേരക്കുട്ടിയായ അഗസ്ത്യ നന്ദയുടെയും ശ്രീദേവിയുടെ മകളായ ഖുഷി കപൂറിന്റെയും പ്രകടനത്തെ വിമര്ശിക്കുന്ന ഒരു പോസ്റ്റ് നടി രവീണ ഠണ്ടന് ലൈക്ക് ചെയ്തു. അതിന്റെ പേരിൽ താരം വിവാദത്തിലും പെട്ടു. ഇപ്പോഴിതാ താരം അതിനു പ്രതികരണം സോഷ്യൽ മീഡിയയിലൂടെ നൽകിയിരിക്കുകയാണ്.
സോഷ്യല് മീഡിയ സ്ക്രോള് ചെയ്യുന്നതിനിടെ അറിയാതെ ലൈക്ക് ചെയ്തു പോയതാണെന്നാണ് രവീണ ഠണ്ടന് കുറിച്ചത്. "ലൈക്ക് ഞാന് അറിയാതെ വന്നതാണ്, സ്ക്രോള് ചെയ്ത് പോവുമ്പോൾ ഞാന് പോലും അറിയാതെ ലൈക്ക് ബട്ടണ് അമര്ത്തിയതാണെന്നു തോന്നുന്നു. അതുമൂലം മറ്റുള്ളവര്ക്കുണ്ടായ വേദനയ്ക്കും അസൗകര്യത്തിനും ആത്മാര്ഥമായി ക്ഷമ ചോദിക്കുന്നു..." രവീണ കുറിച്ചു. പോസ്റ്റ് ഇട്ടതിനു പിന്നാലെ താരം തന്നെയത് ഡിലീറ്റ് ചെയ്യുകയും ചെയ്തു.
ഡിസംബര് 7 നാണ് നെറ്റ്ഫ്ലിക്സില് 'ദി ആര്ച്ചീസ്' സ്ട്രീമിങ് ആരംഭിച്ചത്. സമ്മിശ്ര അഭിപ്രായങ്ങളാണ് വെബ് സീരിസ് നേടുന്നത്. മൂവരും താരകുടുംബത്തില് നിന്നുള്ളവരായതിനാല് ചിത്രം പ്രഖ്യാപിച്ചത് മുതല് നെപ്പോട്ടിസം ചര്ച്ചകള്ക്ക് തുടക്കമിട്ടിരുന്നു സാധാരണക്കാര് സിനിമയില് ഇടംനേടാന് വര്ഷങ്ങള് കാത്തിരിക്കുമ്പോൾ താരങ്ങളുടെ മക്കള്ക്ക് അവസരങ്ങള് കയ്യിലെത്തിച്ചു നല്കുകയാണ് എന്നാണ് വിമര്ശനം. ഖുശി കപൂറിന്റെയു അഗസ്ത്യ നന്ദയുടെയും അഭിനയത്തെ ട്രോള് ചെയ്തുകൊണ്ട് അഭിനയം ഇവിടെ മരിച്ചു എന്ന എന്ന രീതിയില് പരാമര്ശിച്ചുകൊണ്ടുള്ള ഒരു പോസ്റ്റാണ് രവീണ ലൈക്ക് ചെയ്തത്. ഇതെ തുടര്ന്ന് രവീണയ്ക്കെതിരേ കടുത്ത വിമര്ശനമാണ് ഉയര്ന്നത്. തുടര്ന്നാണ് ഇതിന് വിശദീകരണവുമായ് രവീണ രംഗത്തെത്തിയത്.
