81 കോടിയോളം ഇന്ത്യക്കാരുടെ ആധാർ വിവരങ്ങൾ ചോർത്തിയ സംഭവത്തിൽ മൂന്നുപേർ അറസ്റ്റില്. പ്രതികൾ ഇന്ത്യന് കൗണ്സില് ഓഫ് മെഡിക്കല് റിസര്ച്ചിന്റെ വിവരങ്ങളാണ് ചോർത്തിയതെന്ന് ദില്ലി പോലീസിനോട് പറഞ്ഞു. അമേരിക്കയിലെ ഫെഡറല് ബ്യൂറോ ഓഫ് ഇന്വെസ്റ്റിഗേഷന് വിവരങ്ങളും ചോർത്തിയതായി പ്രതികൾ വെളിപ്പെടുത്തി.
ഡാര്ക്ക് വെബിലൂടെ 81.5 കോടി ഇന്ത്യക്കാരുടെ വ്യക്തി വിവരങ്ങള് പുറത്തുവന്നുവെന്നാണ് റിപ്പോര്ട്ടുകള് . ഇന്ത്യയുടെ ചരിത്രത്തിലെ ഏറ്റവും വലിയ ഡാറ്റാ ചോര്ച്ചയാണിതെന്നും സാങ്കേതിക രംഗത്തുള്ളവര് വിശേഷിപ്പിച്ചു. റിപ്പോര്ട്ടുകള് വന്നതിന് പിന്നാലെയാണ് അന്വേഷണം സിബിഐ ഏറ്റെടുത്തത്.
'pwn0001' എന്ന ഹാക്കറാണ് ചോർന്ന വിവരങ്ങള് ഡാര്ക്ക് വെബില് പരസ്യം ചെയ്ത വിവരം പൊതു ജനശ്രദ്ധയില് പെടുത്തിയത്. ദശലക്ഷക്കണക്കിന് ഇന്ത്യക്കാരുടെ പേരുകള്, ഫോണ് നമ്പറുകള്, ആധാര്, പാസ്പോര്ട്ട് വിശദാംശങ്ങള്, കൂടാതെ താല്ക്കാലികവും സ്ഥിരവുമായ വിലാസങ്ങള് എന്നിവ ചോര്ന്ന വിവരങ്ങളില് ഉള്പ്പെടുന്നുണ്ടെന്നും .
അമേരിക്കന് ഏജന്സിയായ റെസെക്യൂരിറ്റിയാണ് ഡാറ്റാ ലംഘനത്തിനെ കുറിച്ച് പ്രാഥമിക കണ്ടെത്തല് നടത്തിയത്. ചോര്ന്ന വിവരങ്ങളില് ഇന്ത്യന് പൗരന്മാരുടെ സ്വകാര്യ വിവരങ്ങളുള്ള 1,00,000 ഫയലുകളുണ്ടെന്ന് ഗവേഷകര് പറഞ്ഞു.
