ന്യൂഡല്ഹി: ദയവ് ചെയ്ത് ഒരു പാവം അധോലോക നായകനെ ഇങ്ങിനെ കൊല്ലരുതെന്ന് സാമൂഹ്യമാധ്യമങ്ങളോട് അപേക്ഷിച്ചു കൊണ്ട് ഇന്ത്യ തെരയുന്ന കൊടും കുറ്റവാളി ദാവൂദ് ഇബ്രാഹീം പൂര്ണ്ണ ആരോഗ്യവാനാണെന്ന വെളിപ്പെടുത്തലുമായി അനുചരന്മാര്. ദാവൂദ് 1000 ശതമാനം പൂര്ണ്ണാരോഗ്യവാനാണെന്നും മരണവാര്ത്ത അടിസ്ഥാന രഹിതമാണെന്നും പറഞ്ഞ് എത്തിയിട്ടുള്ളത് ചോട്ടാ ഷക്കീലാണ്.
പാകിസ്താനില് ഉള്പ്പെടെ അധോലോക നായകന് വിഷം ഉള്ളില് ചെന്നു മരിച്ചു എന്ന തരത്തില് പ്രചരിച്ച വാര്ത്തയിലാണ് മറുപടിയുമായി ഛോട്ടാഷക്കീല് എത്തിയിരിക്കുന്നത്. ഇത് ആരുടേയോ കുസൃതിയാണെന്നും മുമ്പ് പലപ്പോഴും ഇത്തരം കിംവദന്തികള് പ്രചരിച്ചിട്ടുണ്ടെന്നും പറഞ്ഞു. ദാവൂദിന്റെ ക്രിമിനല് സ്ഥാപനമായ ഡി കമ്പനിയുടെ ഓപ്പറേഷന് ആഗോളമായി നടത്തുന്നത് ഛോട്ടാ ഷക്കീലാണ്. താന് പാകിസ്താനില് പോയിരുന്നെന്നും ദാവൂദിനെ കണ്ടിരുന്നതായും അദ്ദേഹം പൂര്ണ്ണാരോഗ്യത്തോടെ ഇരിക്കുന്നതായും ഛോട്ടാഷക്കീല് പറഞ്ഞു.
ദാവൂദിനെതിരേ ഉയര്ന്ന റിപ്പോര്ട്ടുകള് രഹസ്യാന്വേഷണ വിഭാഗവും തള്ളിയിട്ടുണ്ട്. വിഷം ഉള്ളില്ച്ചെന്ന് ദാവൂദിനെ ആശുപത്രിയില് പ്രവേശിപ്പിച്ചെന്ന രീതിയിലുള്ള വാര്ത്തകള് ഇന്നലെ വൈറലായി മാറിയിരുന്നു. ദാവൂദ് മരിച്ചുവെന്നതിനു തെളിവായി ഇക്കാര്യം പരാമര്ശിക്കുന്ന പാകിസ്താന് താല്ക്കാലിക പ്രധാനമന്ത്രി അന്വര് ഉള് ഹഖ് കക്കറിന്റെ അക്കൗണ്ടിന്റെ സ്ക്രീന്ഷോട്ടുകളും ചിലര് പോസ്റ്റ് ചെയ്തു.
''മനുഷ്യത്വത്തിന്റെ മിശിഹാ... എല്ലാ പാകിസ്താനി ഹൃദയങ്ങള്ക്കും പ്രിയപ്പെട്ടവന്. നമ്മുടെ പ്രിയപ്പെട്ട ദാവൂദ് ഇബ്രാഹിം അജ്ഞാതരുടെ വിഷബാധയെത്തുടര്ന്ന് അന്തരിച്ചു. കറാച്ചിയിലെ ആശുപത്രിയില് അദ്ദേഹം അന്ത്യശ്വാസം വലിച്ചു. അല്ലാഹു അദ്ദേഹത്തിന് ജന്നത്തിലെ (സ്വര്ഗത്തില്) ഏറ്റവും ഉയര്ന്ന സ്ഥാനം നല്കട്ടെ'' എന്നായിരുന്നു െവെറല് സന്ദേശം.
എന്നാല്, െവെറല് സ്ക്രീന്ഷോട്ടിലെ യൂസര്നെയിം കാക്കറിന്റെ ഔദ്യോഗിക അക്കൗണ്ടുമായി പൊരുത്തപ്പെടുന്നില്ലെന്ന് സ്വതന്ത്ര വസ്തുതാ പരിശോധന വെബ്െസെറ്റായ ഡി.എഫ്.ആര്.എ.സി. എക്സ് പോസ്റ്റില് കുറിച്ചു.
1955-ല് ജനിച്ച ദാവൂദ് മുംെബെയിലെ ഡോംഗ്രി ചേരി പ്രദേശത്താണ് താമസിച്ചിരുന്നത്. 1993ലെ മുംെബെ സ്ഫോടനത്തിന് ശേഷമാണ് ദാവൂദ് ഇന്ത്യ വിട്ടത്. അന്നത്തെ സ്ഫോടന പരമ്പരയില് 57 പേര് കൊല്ലപ്പെട്ടു. 700-ലധികം പേര്ക്ക് പരുക്കേറ്റു. 27 കോടിയോളം വിലമതിക്കുന്ന സ്വത്തുവകകള് നശിപ്പിക്കപ്പെട്ടു. മഹാരാഷ്്രട സര്ക്കാരിന്റെ അഭ്യര്ഥന മാനിച്ച് കേസ് സി.ബി.ഐക്ക് െകെമാറുകയായിരുന്നു.
2017 ജൂണ് 16 ന് മുസ്തഫ ദോസ്സയും അബു സലേമും ഉള്പ്പെടെ നിരവധി പ്രതികള് കേസില് ശിക്ഷിക്കപ്പെട്ടു. ദാവൂദ് ഇബ്രാഹിമാണ് ആക്രമണങ്ങള് ആസൂത്രണം ചെയ്തതെന്നാണ് ആരോപണം.
