സൂറിച്ച്: മയക്കുമരുന്നിനെതിരേ രാജ്യങ്ങള് കുരിശുയുദ്ധം പ്രഖ്യാപിക്കുമ്പോള് കൊക്കെയ്നെ നിയമവിധേയമാക്കാനൊരുങ്ങി സ്വിറ്റ്സര്ലന്റ്. ലോകത്തെ ഏറ്റവും വലിയ വിനോദസഞ്ചാര രാജ്യങ്ങളില് ഒന്നായ സ്വിറ്റ്സര്ലന്റില് തലസ്ഥാനത്ത് വിനോദ ഉപയോഗത്തിനായി കൊക്കെയ്ന് നിയമപരമായി വില്ക്കാന് അനുവദിക്കുന്ന ലോകത്തിലെ ആദ്യത്തെ രാജ്യമായിട്ടാണ് സ്വിറ്റ്സര്ലന്റ് മാറിയിരിക്കുന്നത്.
ഈ നീക്കത്തെ ബെര്ണിലെ പാര്ലമെന്റ് പിന്തുണച്ചിട്ടുണ്ട്. സ്വിറ്റ്സര്ലന്ഡ് ഇതുവരെ കണ്ടിട്ടുള്ളതില് വച്ച് ഏറ്റവും വിലകുറഞ്ഞതും ശുദ്ധവുമായ കൊക്കെയ്നിന്റെ വരവ് കടുത്ത നടപടിക്കുള്ള ആഹ്വാനത്തിന് പ്രേരിപ്പിച്ചു. ഇതിനൊപ്പം സമ്പൂര്ണ നിരോധനം ഫലപ്രദമല്ലെന്ന് നിരവധി വിദഗ്ധര് വിമര്ശിച്ചതിനെത്തുടര്ന്ന് സ്വിറ്റ്സര്ലന്ഡ് കൊക്കെയ്നിനെതിരായ നിലപാട് പുനഃപരിശോധിക്കുന്നത്.
കഞ്ചാവിന്റെ നിയമപരമായ വില്പനയുടെ വിചാരണയുടെ പ്രാരംഭ ഘട്ടത്തിലാണ് രാജ്യം ഇപ്പോള്. 'മയക്കുമരുന്നിനെതിരായ യുദ്ധം പരാജയപ്പെട്ടു, ഞങ്ങള് പുതിയ ആശയങ്ങള് നോക്കേണ്ടതുണ്ട്,' നിര്ദ്ദേശം സഹ-സ്പോണ്സര് ചെയ്ത ബദല് ലെഫ്റ്റ് പാര്ട്ടിയില് നിന്നുള്ള ബേണ് കൗണ്സില് അംഗം ഇവാ ചെന് പറഞ്ഞു. 'നിയന്ത്രണവും നിയമവിധേയമാക്കലും അടിച്ചമര്ത്തലിനേക്കാള് മികച്ചതാണെന്നും പറഞ്ഞു.
യൂറോപ്പില് ഏറ്റവും കൂടുതല് കൊക്കെയ്ന് ഉപയോഗിക്കുന്ന രാജ്യങ്ങളിലൊന്നാണ് സ്വിറ്റ്സര്ലന്ഡ്. സൂറിച്ച്, ബാസല്, ജനീവ എന്നിവയെല്ലാം യൂറോപ്പിലെ കൊക്കെയ്ന് ഉപയോഗിക്കുന്ന മികച്ച 10 നഗരങ്ങളുടെ പട്ടികയിലുണ്ട്. ബേണിലും ഉപയോഗം കൂടുതലാണ്. അതേസമയം നിയമവിധേയമായി മാറിയതോടെ സ്വിറ്റ്സര്ലന്റില് കൊക്കെയ്നിന്റെ വില കഴിഞ്ഞ അഞ്ച് വര്ഷത്തിനിടെ പകുതിയായി കുറഞ്ഞതായും റിപ്പോര്ട്ടുണ്ട്.
2001ല് പോര്ച്ചുഗലില് മയക്കുമരുന്നുകളുടെ വ്യക്തിഗത ഉപയോഗം ക്രിമിനല് കുറ്റമല്ലാതാക്കിയത് വിജയകരമായിരുന്നു. മയക്കുമരുന്ന് ദുരുപയോഗത്തെ ചെറുക്കുന്നതിനും മയക്കുമരുന്നുമായി ബന്ധപ്പെട്ട കുറ്റകൃത്യങ്ങള് കുറയ്ക്കുന്നതിനും വേണ്ടിയാണ് സര്ക്കാര് ഈ മാറ്റം നടപ്പിലാക്കിയത്. ഇതിനൊപ്പം ലഹരിവിമുക്ത ചികിത്സയിലും ശ്രദ്ധ കേന്ദ്രീകരിച്ചു.
തല്ഫലമായി, രാജ്യത്ത് മൊത്തത്തില് മയക്കുമരുന്ന് ഉപയോഗിക്കുന്നവരുടെ എണ്ണം കുറഞ്ഞതായിട്ടാണ് കണ്ടെത്തിയത്. സ്പെയിന്, ഇറ്റലി തുടങ്ങിയ മറ്റ് രാജ്യങ്ങളും ഇത് പിന്തുടര്ന്നു. പോര്ച്ചുഗല്, സ്പെയിന്, ഇറ്റലി എന്നീ രാജ്യങ്ങളും കൊക്കെയ്ന് ഉപയോഗം കുറ്റകരമല്ലാതാക്കിയിട്ടുണ്ട്. എന്നാല് മയക്കുമരുന്ന് വില്ക്കുന്നത് നിയമവിരുദ്ധം തന്നെയാണ്.
ഈ പദാര്ത്ഥം വിതരണം ചെയ്യുന്നതിനോ കടത്തുന്നതിനോ പിടിക്കപ്പെടുന്ന ആര്ക്കും പോര്ച്ചുഗലില് നാല് മുതല് 12 വര്ഷം വരെയും സ്പെയിനില് മൂന്ന് മുതല് ആറ് വര്ഷം വരെയും ഇറ്റലിയില് ആറ് മുതല് 20 വര്ഷം വരെ തടവും അനുഭവിക്കേണ്ടിവരും.
