മലയാളികളുടെ സ്വന്തം താരരാജാവ് മോഹൻലാലിന്റെ നല്ല സിനിമകൾക്കായി ആരാധകർ ആവേശത്തോടെയാണ് കാത്തിരിക്കുന്നത്. തുടര് പരാജയങ്ങളില് നിന്ന് ഉയിര്ത്തെഴുന്നേറ്റത് പോലെയാണ് മോഹൻലാൽ നായകനായ ജീത്തു ജോസഫ് സംവിധാനം ചെയ്ത നേര് ബോക്സ് ഓഫീസില് കോളിളക്കം തീര്ക്കുന്നത്. അതിനൊപ്പം തന്നെ ആരാധകർ ആവേശത്തോടെ കാത്തിരിക്കുന്ന സിനിമയാണ് ലിജോ ജോസ് പെല്ലിശ്ശേരി മോഹൻലാൽ കൂട്ടുകെട്ടിൽ ഇറങ്ങുന്ന മലൈക്കോട്ടൈ വാലിബന്. ചിത്രത്തിന്റേതായി പുറത്തുവരുന്ന ഓരോ അപ്ഡേറ്റുകള്ക്കും മികച്ച പ്രതികരണമാണ് സോഷ്യല് മീഡിയയില് ലഭിക്കുന്നത്. ചിത്രം എന്തായിരിക്കും എന്ന് ഒരുതരത്തിലുമുള്ള സൂചനകള് നല്കാതെയാണ് ഓരോ പോസ്റ്ററും പുറത്തുവരുന്നത്. ഇപ്പോഴിതാ സിനിമയുടെ പുതിയ പോസ്റ്റർ പങ്കിട്ടിരിക്കുകയാണ് മോഹൻലാൽ. മാസ് ലുക്കില് നില്ക്കുന്ന മോഹന്ലാലാണ് പോസ്റ്ററിലുള്ളത്. പൂഴിമണ്ണില് മുട്ടുകാലൂന്നി, വലം കൈയ്യില് പൂഴി വാരി മല്ലയുദ്ധത്തിന് തയ്യാറെടുക്കുന്ന മോഹന്ലാലിനെ പോസ്റ്ററില് കാണാം. പുതിയ പോസ്റ്ററും ആരാധകർ ഏറ്റെടുക്കുകയാണ്.
ജനുവരി 25ന് തിയറ്ററുകളില് എത്തുന്ന സിനിമയിൽ ഇതുവരെ കാണാത്ത രൂപത്തിലാണ് മോഹൻലാലിനെ കാണുന്നത്. സംഘടനത്തിന് തയ്യാറാക്കുന്ന ലാലിന്റെ കഥാപാത്രത്തെയാണ് ഒരു പോസ്റ്ററിൽ കാണുന്നത്. ലിജോയും പുറത്ത് വിട്ട പോസ്റ്ററിൽ സിനിമയിലെ പ്രധാന കഥാപാത്രങ്ങള് അണിനിരക്കുന്നതാണ്. സിനിമാലോകം കാത്തിരിക്കുന്ന ചിത്രത്തിന്റെ ഓരോ അപ്പ്ഡേറ്റും എല്ലാവരും സെലിബ്രേറ്റ് ചെയ്യുകയാണ്. 2024 ന്റെ ആദ്യം തന്നെ മോഹന്ലാല് ആരാധകര്ക്ക് ആഘോഷമാക്കുമെന്നാണ് ആരാധകർ ഒരേ സ്വരത്തിൽ പറയുന്നത്.
